کویت اردو نیوز 27 اکتوبر: امارات ائیرلائن نے PCR ٹیسٹ کے لئے لیبارٹریوں کی فہرست میں توسیع کر دی۔
تفصیلات کے مطابق امارات کی ایئر لائن نے منظور شدہ لیبارٹریوں کی فہرست میں توسیع کردی ہے جہاں سے پاکستانی مسافر کوویڈ-19 ٹیسٹ کرواسکتے ہیں۔ متعدد سرکاری اداروں کو بھی اس فہرست میں شامل کیا گیا ہے جس سے کل منظور شدہ مراکز کی تعداد 133 ہو گئی ہے۔
ان میں سے 28 لیبارٹریز کراچی میں ہیں 27 لاہور میں، اسلام آباد میں 19، راولپنڈی میں 9، پشاور میں 8 اور کوئٹہ میں 3 لیبارٹریز شامل ہیں۔
منظور شدہ لیب واہ، ملتان، فیصل آباد، وزیر آباد، بہاولپور، ڈی جی خان، مظفر گڑھ، سرگودھا، سیالکوٹ، حیدرآباد، سیہون، سکھر، لاڑکانہ، ایبٹ آباد، سوات، ڈی آئی خان، بنوں، مردان، صوابی، چترال، گوادر میں بھی دستیاب ہیں اس کے علاوہ میرپور، راولاکوٹ، گلگت اور اسکردو سمیت دیگر مقامات پر بھی لیبارٹریز موجود ہیں۔
اگر پاکستان سے آنے والے مسافروں کے لئے ہانگ کانگ یا چین فائنل ڈیسٹینیشن ہے لہذا امارات کیریئر نے واضح کہا کہ وہ صرف پاکستان حکومت سے منظور شدہ لیبارٹری سے کوڈ 19 منفی ٹیسٹ سرٹیفکیٹ قبول کرے گا جہاں تصدیق کے مقصد کے لئے طباعت شدہ سرٹیفکیٹ پر کیو آر کوڈ موجود ہو۔
دریں اثنا ایئر بلو پر پاکستان سے دبئی جانے والے مسافر Gerry’s Nayab Lab اور Doctor Diagnostic Laboratory and Consultants (DDLC) سے پی سی آر ٹیسٹ لے سکتے ہیں۔
متحدہ عرب امارات کے رہائشیوں اور پاکستان سے آنے والے سیاحوں نے لیبارٹریوں کی تعداد میں توسیع کا خیرمقدم کیا۔ انہوں نے کہا کہ یہ ایک بہت اچھا اقدام ہے کیونکہ ہمیں کوڈ 19 کے ٹیسٹ لینے سیالکوٹ سے لاہور جانا پڑا۔ دبئی کے رہائشی نعیم احمد نے بتایا کہ اس سے ہمارے بہت وقت اور رقم کی بچت ہوگی۔
لاہور کے رہائشی ذاکر خان نے بتایا کہ اس سے قبل ٹیسٹ لینے کے لئے بہت کم منظور شدہ لیبز تھیں۔ ان میں سے بیشتر میں ہجوم رہتا تھا اور اس وجہ سے ٹیسٹ میں دو تین گھنٹے لگتے تھے۔ ہمیں خوشی ہے کہ یہ اضافی لیب لمبی قطاریں کم کردیں گی۔
مزید پڑھیں: تارکین وطن کو عزت کے ساتھ "الوداع” کریں
منظور شدہ پبلک سیکٹر سہولیات :
دارالحکومت اسلام آباد:
- نیشنل انسٹی ٹیوٹ آف ہیلتھ
- پاکستان انسٹی ٹیوٹ آف میڈیکل سائنسز
پنجاب:
- ایڈز کنٹرول پروگرام اور ہیپاٹائٹس لیب
- فرانزک سائنس ایتھ لیب
- جناح اسپتال
- پی کے ایل آئی
- لاہور جنرل ہسپتال
- کیمب (CAMB)
- ۔UVAS (BSL-3)
- لاہور ٹی بی پروگرام (بی ایس ایل۔ 3)
- ۔IPH
- میڈیکل یونیورسٹی (ہولی فیملی)
- بے نظیر بھٹو اسپتال
- راولپنڈی انسٹی ٹیوٹ آف کارڈیالوجی
کراچی:
- ڈاؤ یونیورسٹی
- پی سی ایم ڈی کراچی یونیورسٹی
- لیاقت نیشنل اسپتال
- سول اسپتال
- جناح پی جی میڈیکل انسٹی ٹیوٹ
- ۔SIUT
- سول ہسپتال نارتھ کراچی
- ۔NIBD
