کویت اردو نیوز : بھارتی ریاست بہار کے علاقے بھاگل پورہ میں مسافروں نے چلتی ٹرین سے موبائل فون چوری کرنے کی کوشش کرنے والے ملزم کی حکمت عملی کو ناکام بنا دیا اور تقریباً ایک کلومیٹر تک ریل سے لٹکا رہا۔
سوشل میڈیا پر گردش کرنے والی ویڈیو میں دیکھا جا سکتا ہے کہ سفید شرٹ پہنے نوجوان چلتی ٹرین کی کھڑکی سے لٹکا ہوا ہے اور اسے مسافروں نے بازوؤں سے پکڑ رکھا ہے اور کافی فاصلہ طے کرنے کے بعد جب ٹرین رکتی ہے اور پھر مبینہ چور کو چھوڑ دیا جاتا ہے جبکہ وہاں موجود چند نوجوان اسے پکڑ کر لے جاتے ہیں۔
سماجی رابطوں کی ویب سائٹ ایکس پر ایک ویڈیو پوسٹ میں دعویٰ کیا گیا ہے کہ بہار کے بھاگلپور میں ایک چور نے چلتی ٹرین میں مسافر کا فون چرا لیا لیکن وہ ناکام رہا اور مسافروں نے چور کو پکڑ لیا ۔
ویڈیو میں چور کو اپنے ساتھ لے جانے والے نوجوان اس پر تشدد بھی کر رہے ہیں تاہم پولیس یا انتظامیہ کی جانب سے فوری طور پر کوئی ردعمل سامنے نہیں آیا ۔
