دھوکہ دہی کرنے والے تاجروں کے خلاف حکومت کویت کا بڑا اعلان

کویت اردو نیوز 27 دسمبر: کویت کی وزارت تجارت و صنعت نے تاجروں سے سختی سے نمٹنے کی ٹھان لی۔

تفصیلات کے مطابق کویت کی وزارت تجارت و صنعت نے ہاٹ لائن نمبر پر دھوکہ دہی یا زیادہ قیمتوں کی اطلاع دینے کی تاکید کی ہے۔ وزارت تجارت و صنعت (ایم او سی آئی) نے شہریوں اور تارکین وطن سے ہاٹ لائن نمبر 135 واٹس ایپ 55135135 صارفین پروٹیکشن سینٹر یا اپنی ویب سائٹ www.moci.gov.kw کے ذریعے تجارتی دھوکہ دہی یا زیادہ قیمتوں کی اطلاع دینے کو کہا ہے۔ وزارت نے تصدیق کی کہ وہ کسی بھی خلاف ورزی کرنے والے کے خلاف قانونی اقدامات اٹھائے گی اور جو بھی جواز کے بغیر قیمتوں میں اضافے کی کوشش کرتا ہے اس پر قانونی طور پر منظور شدہ زیادہ سے زیادہ جرمانہ عائد کیا جائے گا کیونکہ یہ پرائس کنٹرول اور صارفین کے تحفظ کے ضوابط کی خلاف ورزی ہے۔