کویت اردو نیوز 23 اکتوبر: ہم اتوار سے ہوائی اڈے کو اس کی پوری صلاحیت کے ساتھ دوبارہ شروع کرنے کے لیے تیار ہیں: کویت سول ایوی ایشن
تفصیلات کے مطابق اتوار سے کویت ہوائی اڈے پر اپنی مکمل آپریشنل سرگرمیاں شروع کرنے کے لئے ایئر لائنز نے درخواستیں جمع کروا دی ہیں۔ سول ایوی ایشن کی جنرل ایڈمنسٹریشن کے ذمہ دار ذرائع نے روزنامہ الانباء کو بتایا کہ مقامی اور غیر ملکی ایئرلائنز کویت بین الاقوامی ہوائی اڈے سے اپنی پروازیں چلانے کے لیے درخواستیں جمع کرائیں گی تاکہ موجودہ مقامات پر پروازوں میں اضافہ کیا جائے یا ان مقامات پر نیا ہوائی آپریشن کا آغاز کیا جائے جن پر پچھلے دو سال سے کورونا وبائی بیماری کے پھیلنے کی وجہ سے
آپریشن نہیں کیا گیا تھا۔ انہوں نے بتایا کہ
کویت ایئر پورٹ پر کام کرنے والی ایئر لائنز کی تعداد 50 یا 52 کمپنیوں تک پہنچ جائے گی جس سے یومیہ مسافروں کی کل تعداد 25 سے 30 ہزار کے درمیان ہو جائے گی۔ دریں اثنا کویت ایئرویز نے اعلان کیا کہ وہ اتوار اور جمعرات کو باکو ، آذربائیجان کے لیے دو ہفتہ وار پروازیں چلائے گی جو 18 نومبر سے شروع ہوں گی۔
انہوں نے اشارہ کیا کہ کویت ایئر ویز مصر اور بھارت کی منزلوں کے لیے پروازوں کی تعداد بڑھانے کا ارادہ رکھتی ہے کیونکہ یہ اسکندریہ کی منزل تک روزانہ پروازیں چلانے کے ساتھ ساتھ بھارت میں نئے شہروں کو شامل کرنے کے لیے بھی شیڈول ہے۔ دوسری جانب ذرائع نے بتایا کہ "کویت ایئر ویز” ان تمام پرانے مقامات کے لیے ایک آپریٹنگ شیڈول تیار کرے گی جس پر وہ کورونا پھیلنے سے پہلے کام کر رہی تھی بشرطیکہ ان ممالک کو کویت میں داخلے کی اجازت ہو اور جزوی بندش کی وجہ سے ان کے ہوائی اڈے پر آمد یا روانگی کی تعداد محدود نہ ہو جیسے کہ فلپائن جو اب بھی کوٹے پر قائم ہے۔
