کویت اردو نیوز 03ستمبر: پاکستان میں غیر قانونی طور پرمقیم 4 لاکھ غیر ملکیوں کو ایمنسٹی (عام معافی) دینے کا فیصلہ کرلیا گیا۔ تفصیلات کے مطابق حکومت پاکستان نے غیر قانونی طور پرمقیم 4 لاکھ غیر ملکیوں کو ایمنسٹی دینے کا فیصلہ کرلیا ہے۔
وزارت داخلہ نے بتایا کہ معافی واپس جانے والے غیر ملکیوں کے لیے ہو گی۔ پاکستان کی وزیر داخلہ نے غیر ملکیوں کو ایمنسٹی دینے کی سمری کی منظوری دے دی ہے جبکہ کابینہ کی حتمی منظوری کے بعد اس فیصلے پر عملدرآمد ہوگا۔ غیر ملکیوں کو مشروط معافی دینے کا فیصلہ وزارتی کمیٹی برائے افغان امور کے اجلاس میں کیا گیا جن میں افغان، نائیجرین، بھارتی اور دیگر ممالک کے شہری شامل ہیں۔ وزارت داخلہ کا کہنا ہے کہ معافی کی صورت میں غیرملکیوں کو31دسمبر 2022 تک واپس جانا ہو گا ، اس شرط پر غیر ملکیوں سے ویزا کے بغیر رہنے پر جرمانہ نہیں لیا جائے گا۔ وزارت داخلہ نے مزید کہا کہ
عام معافی سےمستفید ملک میں غیر قانونی طور پر مقیم غیر ملکیوں کے خلاف قانونی کارروائی نہیں ہو گی اور وہ بغیر کوئی جرمانہ ادا کئے ملک چھوڑ سکتے ہیں۔ فیصلے میں مزید کہا گیا ہے کہ معافی کی صورت میں غیر ملکیوں کو 31 دسمبر 2022 تک اپنے ملک واپس جانا ہو گا، اس شرط پر غیر ملکیوں کو بغیر ویزے کے قیام پر جرمانہ نہیں کیا جائے گا اور مذکورہ بالا سے فائدہ اٹھانے والے غیر ملکیوں کے خلاف کوئی قانونی کارروائی نہیں ہو گی۔
