کویت اردو نیوز 29 دسمبر: کویت کے رہائشی امور کی تحقیقات کی جنرل ایڈمنسٹریشن نے گزشتہ روز رہائشی قانون کی خلاف ورزی کرنے والوں کے ساتھ ساتھ چار خطوں میں مطلوب مفرور افراد کے خلاف ایک حفاظتی مہم کا آغاز کیا۔
افسران نے وزارت کے سیکورٹی پلان کے حصے کے طور پر متعدد مطلوب افراد کے علاوہ رہائشی قانون کی خلاف ورزی کرتے ہوئے پکڑے گئے مختلف قومیتوں کے 68 غیر ملکیوں کو حراست میں لیا۔
مقامی روزنامے کے مطابق الفاحیل صناعیہ، امغرا سکریپ ایریا، جلیب الشیوخ اور جہرہ میں متعدد خلاف ورزی کرنے والوں کی نگرانی کے بعد، سیکورٹی افسران نے معائنہ کرنے کے لیے جگہوں پر چھاپے مارے جس کے نتیجے میں متعدد گرفتاریاں عمل میں آئیں تاہم خلاف ورزی کرنے والوں اور مفرور افراد کو متعلقہ حکام کے حوالے کر دیا گیا۔
مزید برآں، ٹیم نے منقف میں دو افراد کو رہائش (اقامہ) دینے والے ایک جعلی دفتر کا سراغ لگایا۔ مشتبہ افراد کو متعلقہ حکام کے پاس بھیج کر ضروری قانونی کارروائی کی جائے گی۔
