کویت اردو نیوز، 4 مئی: جنوبی کوریا میں بھوکا طالبعلم قیمتی فن پارہ کھا گیا جو کیلے پر بنایا گیا تھا اور آرٹ ایگزیبیشن کا حصہ تھا۔
برطانوی میگزین نے جنوبی کوریا کے ذرائع ابلاغ سے بتایا ہے کہ یہ عجیب و غریب واقعہ جنوبی کوریا میں آرٹ ایگزیبیشن کے دوران پیش آیا۔
میڈیا رپورٹس کے مطابق آرٹ کے طالبعلم نوہ ہوئن سو نے نمائش کے دوران بھوک لگنے پرایسا کیلا کھا لیا جو فن پارے کا حصہ تھا اور ٹیپ سے چپکایا گیا تھا۔
جنوبی کوریا کے آرٹسٹ موریزیو کاتیلان کے فن پارے کو کھانے والے طالبعلم نے کیلا کھانے کے بعد چھلکے کو ٹیپ سے دوبارہ دیوار پر چسپاں بھی کردیا۔
طالبعلم نوہ ہوئن سو نے فن پارہ کھانے کے بعد پوچھے جانے والے سوال پر نہایت معصومیت سے بتایا کہ وہ بہت بھوکا تھا کیونکہ اس نے صبح ناشتہ نہیں کیا تھا۔
آرٹسٹ موریزیو کاتیلان کے کیلے سے مزین فن پارے کا نام کامیڈیئن ہے جو دارالحکومت سیئول کے لیئم میوزیم آف آرٹ میں منعقدہ نمائش میں پیش کیا گیا تھا۔
میڈیا کے مطابق چند لمحوں کی اس کارروائی کو ایک شخص نے دیکھتے ہی اپنے کیمرے کی آنکھ میں محفوظ کرلیا۔
آرٹسٹ موریزیو کاتیلان کو اس واقعے کی اطلاع دی گئی تو انہوں نے اس بات پر حیرانگی کا اظہار نہ کرتے ہوئے کہا کوئی بات نہیں، یہ پہلی بار نہیں ہوا،
2019 میں میامی میں منعقدہ نمائش میں اس فن پارے کی ایک لاکھ 20 ہزار ڈالزر میں فروخت کے بعد پرفارمنس آرٹسٹ ڈیوڈ دتونا نے فن پارے سے کیلا نکال کر کھا لیا تھا
