کویت میں شدید گرمی، بجلی کے استعمال میں ہوشربا اضافہ

کویت اردو نیوز 13 جون: روزنامہ القبس کی رپورٹ کے مطابق حال ہی میں جب کویت میں درجہ حرارت 43 ڈگری سیلسیس تک بڑھ گیا تو بجلی کی کھپت کا انڈیکس 15,515 میگاواٹ تک پہنچ گیا۔

موسم گرما کے آغاز کے بعد اب تک یہ سب سے زیادہ بجلی کی کھپت ہے۔ توقع ہے کہ درجہ حرارت بڑھنے سے بجلی کی کھپت میں مزید اضافہ ہوتا رہے گا۔

بجلی اور پانی کی وزارت نے موجودہ سال میں بجلی کی کھپت کے بارے میں مطالعہ کیا۔ ان مطالعات سے پتہ چلتا ہے کہ اس موسم گرما میں متوقع زیادہ سے زیادہ بجلی کی کھپت 17,000 میگاواٹ ہے۔

وزارت کے ذرائع نے تصدیق کی کہ ملک کے پاور ریزرو میں اب تک کی سب سے زیادہ کھپت سے 2,500 میگا واٹ زیادہ ہے جبکہ دستیاب بجلی کا تخمینہ تقریباً 18,000 میگاواٹ ہے۔