کویت اردو نیوز 06 جولائی: کویت اور سعودی عرب کے درمیان ریپڈ ریل لنک کا منصوبہ عمل درآمد کے دائرے میں داخل ہوا۔ وزارت تعمیرات نے گزشتہ روز ایک اجلاس کی صدارت کی جس میں منصوبے سے متعلق طریقہ کار میں حکومتی ادارے بشمول خزانہ، بجلی، پانی، دفاع، تیل اور کویت میونسپلٹی کی وزارتیں شامل تھیں۔
باخبر ذرائع نے بتایا کہ یہ لنک کویت اور سعودی دارالحکومت ریاض کے درمیان تیز رفتار ٹرین، یا نام نہاد میگنیٹک ٹرین یا "بلٹ ٹرین” کے ذریعے ہو گا۔
ذرائع نے مزید کہا کہ منصوبے پر عمل درآمد شروع کرنے کی تیاری میں اس منصوبے کی مشاورتی سٹڈی میں 6 ماہ لگیں گے اور توقع ہے کہ آنے والے دنوں میں دونوں ممالک کے درمیان مشترکہ معاہدے پر دستخط ہو جائیں گے۔
اجلاس میں شریک فریقین کو اپنے خط میں کہا گیا کہ "ریلوے رابطے کے منصوبے پر اسٹریٹجک معاہدے کی اہمیت کے پیش نظر، اس منصوبے میں پیش آنے والی رکاوٹوں کو دور کرنے کے لئے ضروری ہے کہ متعلقہ اداروں کے درمیان ہم آہنگی کو تیز کیا جائے۔ خط میں اس منصوبے کی تکمیل میں تیزی لانے کے لیے اس کے حوالے سے کیے گئے طریقہ کار کو آسان بنانے کی اہمیت کی نشاندہی کی ہے۔
خیال رہے کہ سعودی وزراء کونسل نے 23 مئی کو اپنے اجلاس میں وزیر ٹرانسپورٹ اینڈ لاجسٹک سروسز یا ان کے نمائندے کو کویتی فریق کے ساتھ سعودی عرب کے درمیان ریلوے لنک منصوبے کے حوالے سے دونوں ممالک کی حکومتوں کے درمیان معاہدے کے مسودے پر بات کرنے کا اختیار دیا تھا۔
وزارت خزانہ کی جانب سے "دونوں ممالک کے درمیان منصوبے” کی منظوری کے لیے مالیاتی، اقتصادی اور تکنیکی فزیبلٹی اسٹڈی پروجیکٹ کے لیے دو ملین دینار مختص کرنے کی درخواست کی منظوری دی گئی ہے۔
