کویت اردو نیوز،31جولائی: سعودی حکام نے گزشتہ ایک ہفتے کے دوران 13,308 افراد کو رہائش، کام اور سرحدی حفاظتی ضوابط کی خلاف ورزی پر گرفتار کرلیا ہے۔
گزشتہ ہفتہ، 20 سے 26 جولائی تک کل 7,725 افراد کو اقامتی قوانین کی خلاف ورزی پر گرفتار کیا گیا، جب کہ 3,427 کو غیر قانونی سرحد عبور کرنے کی کوششوں اور مزید 2,156 افراد کو مزدوری سے متعلق امور پر گرفتار کیا گیا۔
رپورٹ میں بتایا گیا کہ مملکت میں غیر قانونی طور پر داخل ہونے کی کوشش کرنے پر گرفتار کیے گئے 572 افراد میں سے 62 فیصد یمنی، 37 فیصد ایتھوپیا اور 1 فیصد دیگر قومیتوں سے تعلق رکھتے تھے۔
اس ضمن میں مزید 58 افراد ہمسایہ ممالک میں داخل ہونے کی کوشش کرتے ہوئے پکڑے گئے، اور 9 کو خلاف ورزی کرنے والوں کو نقل و حمل اور پناہ دینے میں ملوث ہونے پر گرفتار کیا گیا۔
سعودی وزارت داخلہ نے کہا کہ جو بھی شخص مملکت میں غیر قانونی داخلے کی سہولت فراہم کرتا ہوا پایا گیا، بشمول نقل و حمل اور پناہ گاہ فراہم کرنا، اسے زیادہ سے زیادہ 15 سال قید، 10 لاکھ ریال (260,000 ڈالر) تک کا جرمانہ یا گاڑیوں اور جائیداد کی ضبطگی کا سامنا کرنا پڑ سکتا ہے۔
عوام مکہ مکرمہ اور ریاض کے علاقوں میں ٹول فری نمبر 911 اور مملکت کے دیگر علاقوں میں 999 یا 996 پر مشتبہ خلاف ورزیوں کی اطلاع دے سکتے ہیں ۔
