کویت اردو نیوز ، 21 اکتوبر 2023: متحدہ عرب امارات کے شہر دبئی میں رئیل اسٹیٹ ڈویلپر اور مینجمنٹ گروپ ‘وصال’ کے رہائشی ٹاور کی 43ویں منزل پر واقع ‘اسکائی ٹریک’ نے نیا گنیز بک آف ورلڈ ریکارڈ بنا لیا ہے۔
یہ رہائشی ٹاور الکفاف کے علاقے میں شیخ زید اسٹریٹ پر واقع ہے ، ایمریٹس الیوم کے مطابق، گروپ کا کہنا ہے کہ "اسکائی ٹریک اپنی نوعیت کا ایک منفرد منصوبہ ہے، یہ 365 میٹر طویل واکنگ ٹریک ہے جو زمین سے 157 میٹر کی بلندی پر واقع ہے۔”
اپنی صحت کا خیال رکھنے والوں کے لیے یہ انوکھا تجربہ روایتی فٹنس جم سے مختلف ہے ، اسکائی واکرز دبئی کے مشہور مقامات کے خوبصورت نظاروں سے بھی لطف اندوز ہوں گے۔
یہاں سے آپ برج خلیفہ، زبیل پارک، اولڈ دبئی، دبئی فریم، عربین گلف اور الشیخ زید اسٹریٹ دیکھ سکتے ہیں۔
گروپ کے سی ای او ہشام القاسم نے کہا کہ دبئی کی ریاست میں ایک نئے بین الاقوامی ریکارڈ کا اضافہ خوشی کا باعث ہے۔
