کویت اردو نیوز ، 22 اکتوبر 2023: سرجانی ٹاؤن میں قتل ہونے والے فائق حسنی کے قتل میں فائق حسنی کا دوست ملوث تھا۔ پولیس نے دوست کو گرفتار کر لیا۔
11 جولائی کو 40 سالہ فائق حسنی ولد نوید حسنی کی لاش سرجانی ٹاؤن سیکٹر 54 اے لعل بخش گوٹھ ہاؤس نمبر ایل 4 کی زیر زمین پانی کےٹینک سے ملی۔
سرجانی ٹاؤن انویسٹی گیشن پولیس نے فائق حسنی کے قتل میں ملوث اس کے دوست سید ضیا حسین شاہ کو گرفتار کر لیا۔ تفتیشی پولیس کے مطابق پولیس مقتولہ کے موبائل فون کی مدد سے قاتل تک پہنچی، ملزم نے مقتول کا موبائل فون اعظم بستی میں پھینکا تھا۔
تفتیش پر معلوم ہوا کہ مقتول کا دوست سید ضیاء حسین شاہ سرجانی ٹاؤن سیکٹر 54 اے سے پہلے اعظم بستی میں رہتا تھا ۔
گرفتار ملزم موٹر سائیکل مکینک ہے، ملزم نے جھگڑے کے دوران مقتول کو قتل کر کے لاش ٹینک میں پھینک دی تھی، گرفتار ملزم اور مقتول کے درمیان اس سے قبل بھی جھگڑا ہوا تھا۔
پولیس کے مطابق ملزم ضیاء مقتول کی موٹرسائیکل چورنگی پر چھوڑ کر گیا تھا اور واردات سے قبل مقتول اور ملزمان نے مل کر نشہ کیا تھا۔
