کویت اردو نیوز ، 23 اکتوبر 2023: سعودی پبلک پراسیکیوشن نے کہا ہے کہ "خصوصی عدالت نے چھ سعودی شہریوں اور ایک مقیم غیر ملکی کو ایک ارب ریال سے زیادہ کی منی لانڈرنگ کا مجرم قرار دیا ہے”۔
خبر رساں ادارے ایس پی اے کے مطابق پبلک پراسیکیوشن کا کہنا تھا کہ ’چھ سعودی شہریوں اور ایک عرب ملک کے رہائشی سے ایک مجرمانہ تنظیم کے ساتھ منی لانڈرنگ کے جرم میں ملوث ہونے کے حوالے سے پوچھ گچھ کی گئی‘۔
یہ بات ریکارڈ پر آئی کہ ایک مقامی شہری نے اپنے نام سے کاروبار بنا کر بینک اکاؤنٹ کھولا ہے۔ کاروباری اداروں کے تمام کام اور ان کے بینک اکاؤنٹس مملکت میں مقیم عرب شہری کے حوالے کر دیے گئے۔
عرب شہری نامعلوم ذرائع سے رقم وصول کر کے کاروباری اداروں کے کھاتوں میں جمع کرواتے تھے اور انہیں قانونی حیثیت دینے کے بعد مملکت سے باہر بھیج دیتے تھے۔
پبلک پراسیکیوشن کا کہنا تھا کہ عرب شہری نے ایک ارب 35 کروڑ 197 ہزار سعودی ریال بھیجے تھے۔ پوچھ گچھ میں معلوم ہوا کہ اس نے تمام رقم سعودی عرب کے مالیاتی قوانین کی خلاف ورزی کرتے ہوئے جمع کی تھی۔
پبلک پراسیکیوشن کا کہنا تھا کہ خصوصی عدالت میں ملزمان کے خلاف شواہد جمع کرائے گئے۔ عدالت نے مقامی شہریوں اور مکینوں کی سزا پر… غیر ملکی کو مجرم قرار دے کر قید اور جرمانے کی سزا سنائی گئی۔
بعض کو تیرہ سال تک قید کی سزا سنائی گئی جبکہ جرمانے بھی عائد کیے گئے۔ برآمد شدہ رقم اور کاروباری عمل میں استعمال ہونے والے آلات کو ضبط کرنے کا حکم دیا گیا۔