کویت اردو نیوز ، 31 اکتوبر 2023: تائیوان میں ایک عجیب و غریب طبی معاملے میں، ایک خاتون کو اس وقت شدید جھٹکا لگا جب ڈاکٹروں نے اس کے بائیں کان کی نالی میں تقریباً 0.1 انچ لمبی مکڑی دریافت کی۔
خاتون کافی عرصے سے درد میں مبتلا تھی اور اس کے کانوں میں گھنٹی بجنے کی آوازیں سنائی دے رہی تھیں جس کی وجہ سے رات کو اس کا سونا مشکل ہوگیا۔ معائنے کے دوران ڈاکٹروں نے پہلی نظر میں محسوس کیا کہ خاتون کے کان میں دو مکڑیاں گھوم رہی ہیں۔
باریک بینی سے معائنہ کرنے پر معلوم ہوا کہ مکڑی تو ایک ہی تھی لیکن دوسری چیز مکڑی کے جسم کا بیرونی خول تھا۔
ایک 64 سالہ خاتون نے اپنے بائیں کان میں عجیب و غریب آوازیں سننے کے چار دن بعد تائیوان کے تائنان میونسپل ہسپتال میں کان، ناک اور گلے کے کلینک کا دورہ کیا۔
خاتون کا کہنا تھا کہ وہ سب سے پہلے ایک عجیب و غریب احساس کے ساتھ بیدار ہوئی کہ اس کے کان کے اندر کوئی چیز حرکت کر رہی ہے۔ اس کے بعد اسے مسلسل سرسراہٹ سنائی دینے لگے جو اس قدر تکلیف دہ تھے کہ اسے سونے میں دشواری ہوئی۔
ڈاکٹروں نے کامیاب علاج کر کے متاثرہ خاتون کے کان سے مکڑی نکال دی۔ اس کیس کا حوالہ دی نیو انگلینڈ جرنل آف میڈیسن میں دیا گیا تھا، لیکن اس میں مکڑی کی انواع کو نوٹ نہیں کیا گیا اور یہ بھی نہیں بتایا گیا کہ یہ عورت کے کان میں کیسے داخل ہوئی ہوگئی۔ اگرچہ یہ واقعات شاذ و نادر ہی ہوتے ہیں، لیکن لوگوں کے کانوں میں مکڑیوں اور دیگر کیڑوں کے رینگنے کے کئی واقعات سامنے آچکے ہیں۔
