کویت اردو نیوز ، 2 نومبر 2023: واٹس ایپ نے ایک نیا دلچسپ فیچر متعارف کرایا ہے جو ویڈیو پلے بیک میں مدد دے گا۔
WABetaInfo نے رپورٹ کیا ہے کہ میٹا کی ملکیت والی میسجنگ ایپ نے نئے ویڈیو پلے بیک کنٹرولز شامل کیے ہیں۔
یہ نیا فیچر اینڈرائیڈ ڈیوائسز کے لیے واٹس ایپ کے بیٹا ورژن میں متعارف کرایا گیا ہے ، یہ نیا فیچر یوٹیوب کے ویڈیو پلے بیک کنٹرولز سے ملتا جلتا ہے ۔
یہ فیچر صارفین کو ویڈیوز کو 10 سیکنڈ ریوائنڈ اور 10 سیکنڈ فارورڈ کرنے میں مدد دے گا، جس کے لیے انہیں اسکرین پر صرف دو بار کلک کرنا ہوگا۔
ابھی واٹس ایپ پر ویڈیو دیکھتے ہوئے اسے ریوائنڈ یا فارورڈ کرنے کے لیے پروگریس بار پر آگے پیچھے سوائپ کرنا پڑتا ہے۔
فی الحال یہ فیچر بیٹا ورژن میں ہے اس لیے یہ کہنا مشکل ہے کہ اسے تمام صارفین کے لیے کب متعارف کرایا جائے گا۔
اس سے قبل واٹس ایپ کے بیٹا ورژن میں متبادل پروفائل فیچر بھی متعارف کرایا گیا تھا ، پرائیویسی کا یہ فیچر صارفین کو اپنی پروفائل فوٹوز کی پرائیویسی پر مزید کنٹرول دے گا۔
مثال کے طور پر، اگر آپ نے پروفائل تصویر کو صرف اپنے رابطوں تک محدود کر دیا ہے، تو رابطہ فہرست سے باہر کے لوگ پروفائل تصویر نہیں دیکھ سکتے ، صارفین ممکنہ طور پر متبادل پروفائل میں پروفائل تصویر کے ساتھ ساتھ مختلف تفصیلات بھی شامل کر سکیں گے۔
