مسجدالحرم کے فانوس اور لیمپ میں خاص کیا ہے ؟

کویت اردو نیوز : مکہ مکرمہ میں مسجد الحرام کے فانوس اور خصوصی لیمپ سونےکے پانی سے مزین ہیں اور اسلامی فن کا شاہکار ہیں۔

خبر رساں ادارے ایس پی اے کے مطابق مسجد الحرام کی مختلف عمارتوں، راہداریوں اور صحنوں میں نصب پرکشش پھول اور لالٹینیں اور منفرد موم بتیاں اسلامی طرز کی عکاس ہیں۔

مسجد الحرام کے فانوس اور لیمپ ایل ای ڈی سسٹم سے لیس ہیں۔ جس کی وجہ سے روشنی کا معیار بہتر ہوتا ہے اور بجلی کا استعمال بھی کم ہوتا ہے۔

تمام فانوس اور موم بتیاں مسجد الحرام کے فن تعمیر سے ہم آہنگ ہیں۔ ان پرسونے کا پانی چڑھایا گیا ہے اور یہ سٹینلیس سٹیل سے بنے ہیں۔ ان کی موٹائی 2 مائیکرون ہے اور فانوس کا وزن 280 کلوگرام ہے۔

مسجد الحرام کے فانوسوں کو جھٹکوں یا خراشوں سے بچانے کے لیے ایک خاص مادہ سے بھی لیپ کیا گیا ہے۔