کویت اردو نیوز : فراڈ اور جعلی آئی فون خریدنے سے بچنے کے لیے اصلی اور جعلی آئی فون میں فرق جاننا ضروری ہے۔ آئیے جانتے ہیں کہ اصلی اور جعلی آئی فون میں فرق کیسے کیا جائے۔
سیریل نمبر:
اصلی اور جعلی آئی فونز میں فرق کرنے کے لیے اس کا سیریل نمبر دیکھنا چاہیے۔ اس کے لیے آپ کو آئی فون کی سیٹنگز میں جانا ہوگا جس کے بعد آپ کو جنرل آپشن پر کلک کرنا ہوگا۔ اس آپشن پر جانے کے بعد آپ کو ‘About’ پر کلک کرنا ہوگا اور وہاں سیریل نمبر کاپی کرنا ہوگا۔
اس سیریل نمبر کو کاپی کرنے کے بعد آپ کو گوگل کی ویب سائٹ چیک کوریج ڈاٹ ایپل ڈاٹ کام پر جانا ہوگا اور سیریل نمبر پیسٹ کرنا ہوگا۔ اس طرح آپ کو معلوم ہو جائے گا کہ آپ کا فون اصلی ہے اور آپ کو فون بیچنے والا سچ کہہ رہا ہے۔
ماڈل نمبر دیکھیں:
آپ جعلی آئی فون خریدنے سے بچنے کے لیے اس کا ماڈل نمبر بھی چیک کر سکتے ہیں۔ اس کے لیے بھی آپ کو اپنے آئی فون کی سیٹنگز میں جانا ہوگا اور جنرل آپشن پر جانا ہوگا۔ اس کے بعد آپ کو About آپشن پر کلک کرنا ہوگا اور وہاں ماڈل نمبر چیک کرنا ہوگا۔
اگر ‘ایم’ سے شروع ہونے والا ماڈل نمبر ہے تو فون اصل ہے، جب کہ اگر ‘ایف’ سے شروع ہونے والا آئی فون کا ماڈل نمبر ہے تو فون خراب اور مرمت ہوا ہے ، اسی طرح اگر آپ کے آئی فون کا ماڈل نمبر ‘N’ سے شروع ہوتا ہے تو اس کا مطلب ہے کہ فون کو کسی وجہ سے ایپل نے تبدیل کر دیا ہے۔
سافٹ ویئر ‘iCareFone’ کااستعمال:
جعلی اور اصلی آئی فون میں فرق کرنے کا دوسرا طریقہ سافٹ ویئر ‘iCarePhone’ کا استعمال ہے۔ اگر آپ کے پاس میک بک نہیں ہے تو یہ سافٹ ویئر ونڈوز لیپ ٹاپ پر بھی انسٹال کیا جا سکتا ہے۔
انسٹال کرنے کے بعد، اس سافٹ ویئر کو کھولیں اور اپنے آئی فون کو ڈیٹا کیبل کے ساتھ اس سے جوڑیں۔ یہ سافٹ ویئر آپ کے آئی فون کی تمام تفصیلات دکھائے گا اور آئی فون کیئر آپ کو بتائے گا کہ آیا کوئی چیز جعلی، خراب یا مرمت شدہ ہے۔ اس کے علاوہ جعلی اور اصلی آئی فون کی شناخت اس کے کیمرے، کارکردگی، بیٹری اور یوزر انٹرفیس سے کی جا سکتی ہے۔
