کویت اردو نیوز : ویسے تو کئی کمپنیوں کی جانب سے اڑنے والی گاڑیاں بنانے کا کام کیا جا رہا ہے لیکن ابھی تک کوئی خاص پیش رفت نہیں ہو سکی ہے۔
لیکن ایک چینی کمپنی Xpeng کو امید ہے کہ اس کی اڑنے والی گاڑی جلد ہی عام لوگوں کے لیے دستیاب ہو گی۔
اس گاڑی کو لاس ویگاس میں کنزیومر الیکٹرانکس شو (CES) میں شاندار ڈیزائن کے ساتھ متعارف کرایا گیا۔
فلائنگ کار کی بکنگ اس سال کے آخر میں شروع ہو جائے گی جبکہ یہ 2025 میں کسی وقت صارفین کے لیے دستیاب ہو گی۔
یہ گاڑی کے اندر چھپے پروپیلرز یا پروں کے ساتھ زمین پر چلنے کی صلاحیت رکھتا ہے۔
کمپنی کے مطابق اس گاڑی کے ذریعے پرہجوم علاقوں سے اڑان بھرنا ممکن ہو گا۔
سی ای ایس میں اس کار کو ہوا میں نہیں اٹھایا گیا لیکن یہ ضرور دکھایا گیا کہ کار کے پروپیلرز کیسے باہر آتے ہیں۔
یہ گاڑی ڈرون کی طرح ٹیک آف اور لینڈ کرنے کی صلاحیت رکھتی ہے۔
کمپنی نے کہا کہ جب پروپیلر گاڑی کے اندر ہوں گے تو اسے سڑک پر چلایا جا سکے گا اور ٹریفک جام والے علاقوں میں پرواز کر سکے گا، لیکن یہ مقامی ایوی ایشن قوانین کے تابع ہو گا۔
اس 2 سیٹوں والی گاڑی کے اندرونی حصے میں ڈوئل موڈ کاک پٹ ہے۔
کمپنی کے شریک بانی Xpeng Aeroht نے کہا کہ ہر کوئی اڑنا چاہتا ہے اور ارد گرد کا بہترین نظارہ کرنا چاہتا ہے۔
انہوں نے کہا کہ یہ گاڑی 2 حصوں پر مشتمل ہے، ایک فلائنگ ماڈیول جو اڑنے کی صلاحیت رکھتا ہے جبکہ دوسرا 6 پہیوں والا ماڈیول ہے، جو سڑک پر سفر کے لیے ہے۔
یہ کار سب سے پہلے چین میں فروخت کی جائے گی جہاں اس کی قیمت 1 ملین یوآن ہوگی۔
درحقیقت یہ گاڑی ان لوگوں کو فروخت کی جائے گی جنہیں ہوائی جہاز اڑانے کا تجربہ ہے۔
فی الحال اس گاڑی کی مزید تفصیلات سامنے نہیں آئی ہیں اس لیے یہ بتانا مشکل ہے کہ یہ کتنی تیز رفتاری سے سفر کر سکتی ہے اور دوران پرواز کتنی دور تک سفر کر سکتی ہے۔
