کویت اردو نیوز : کیا آپ جانتے ہیں کہ عقل کے علاوہ انسان کو جانوروں پر کیا فضیلت ہے؟ یہ ایک مشکل سوال ہے، ہے نا، لیکن اس کا جواب رنگوں کی شناخت کرنا ہے کیونکہ زیادہ تر جانور رنگوں میں تفریق نہیں کر سکتے، بلکہ وہ دنیا کو سیاہ اور سفید میں دیکھتے ہیں۔
رنگ چاہے سفید ہو یا کالا، سبز ہو یا سرخ، وہ اپنی خاموشی سے بھی کچھ نہ کچھ اظہار کر رہے ہوتے ہیں، چاہے وہ آپ کی شخصیت کا راز ہو یا آپ کی پسند و ناپسند کا اظہار۔
یہی وجہ ہے کہ رنگوں سےمتعلق ہر انسان کی پسند یا ناپسند مختلف ہوتی ہے، تو سوال یہ ہےکہ دنیا بھر کے لوگوں کا سب سے پسندیدہ رنگ کونسا ہے؟
تو جواب آسان نہیں بلکہ کچھ پیچیدہ ہے لیکن ایک بات واضح ہے کہ دنیا کا سب سے پسندیدہ رنگ نیلا ہے یا اس کا کوئی شیڈ ۔
مثال کے طور پر، 2015 میں YouGov کے ایک سروے میں انکشاف ہوا کہ دنیا کا پسندیدہ رنگ نیلا ہے۔
اسطرح 2017 ء میں سو ممالک کے 30,000 افراد پر کیےگئے سروے میں پتہ چلاکہ سبز نیلا سب سے زیادہ پسند کیاجانیوالا رنگ ہے۔
2019 کی ایک تحقیق جس میں مختلف ثقافتوں سے تعلق رکھنے والے لوگوں سے ان کے پسندیدہ رنگوں کے بارے میں پوچھا گیا تھا کہ ثقافت رنگ کی ترجیح کو متاثر کرتی ہے، لیکن عام طور پر نیلے رنگ کو ترجیح دی جاتی ہے۔
صدیوں سے ماہرین نے نیلے رنگ کو ایک ایسا رنگ قرار دیا ہے جو سکون اور فطرت کی نمائندگی کرتا ہے۔
کچھ تحقیقی رپورٹس کے مطابق اس رنگ کی چیزوں کو دیکھنے سے بلڈ پریشر اور دل کی دھڑکن سمیت تناؤ کو کم کرنے میں مدد ملتی ہے۔
نیلے رنگ کو دیکھنے سے سکون اور اطمینان کا احساس ہوتا ہے، یہ آنکھوں کو ٹھنڈک پہنچاتا ہے، خاص طور پر ہلکا نیلا یا آسمانی رنگ انسانی جذبات کو پرسکون رکھنے میں مددگار ثابت ہوتا ہے۔
