کویت اردو نیوز : اگر آپ اینڈرائیڈ اسمارٹ فون پر واٹس ایپ استعمال کرتے ہیں اور میسجنگ اکاؤنٹ پر بہت ساری تصاویر اور ویڈیوز حاصل کرتے ہیں تو بہتر ہے کہ انہیں مزید بیک اپ ڈیٹا میں محفوظ نہ کریں۔
اس کی وجہ یہ ہے کہ اب واٹس ایپ بیک اپ ڈیٹا آپ کے گوگل اسٹوریج کی جگہ استعمال کرے گا۔
اینڈرائیڈ پالیسی کی رپورٹ میں کہا گیا ہے کہ اب تک واٹس ایپ بیک اپ ڈیٹا کے لیے گوگل ڈرائیو اسٹوریج کی کوئی حد نہیں تھی۔
رپورٹ کے مطابق اب تک واٹس ایپ ڈیٹا کو گوگل اکاؤنٹ کے 15 جی بی اسٹوریج میں شمار نہیں کیا جاتا تھا لیکن نومبر 2023 میں میٹا نے اعلان کیا کہ 2024 کے آغاز سے واٹس ایپ بیک اپ کو گوگل سٹوریج میں شمار کیا جائے گا۔
اب وقت آگیا ہے اور واٹس ایپ صارفین کا بیک اپ ڈیٹا گوگل سٹوریج استعمال کر رہا ہے۔
اس کے بارے میں جاننے کے لیے گوگل اکاؤنٹ سٹوریج پر جائیں اور دوسرے سیکشن پر کلک کریں، جہاں واٹس ایپ کے نام سے ایک نیا اضافہ ظاہر ہوگا۔
واٹس ایپ ڈیٹا کے آگے تیر پر کلک کرنے سے واٹس ایپ کا مینیج اسٹوریج پیج کھل جائے گا، جہاں آپ دیکھ سکتے ہیں کہ گوگل اسٹوریج میں کون سی چیٹس اور فائلیں جگہ لے رہی ہیں۔
آپ بڑی میڈیا فائلوں کو حذف کر کے اپنے WhatsApp چیٹ بیک اپ اسٹوریج کی جگہ کو کم کر سکتے ہیں۔
رپورٹ کے مطابق یہ تبدیلی چند لوگوں کے لیے کی گئی ہے اور آہستہ آہستہ تمام صارفین کا بیک اپ ڈیٹا گوگل سٹوریج کا حصہ بن جائے گا۔
دلچسپ بات یہ ہے کہ واٹس ایپ نے نومبر میں کہا تھا کہ صارفین کو اس تبدیلی کے بارے میں 30 دن پہلے مطلع کر دیا جائے گا، لیکن جن اکاؤنٹس کو یہ تبدیلی ملی انہیں کوئی اطلاع موصول نہیں ہوئی۔
یہ تبدیلی دسمبر 2023 میں WhatsApp بیٹا صارفین کے لیے متعارف کرائی گئی تھی۔
