کویت اردو نیوز : سالانہ 1.45کروڑپاکستانی روپے کمانے کے باوجود ایک شخص کےکھانےکےاخراجات پورے نہیں ہو رہے۔
گریپ وائن نامی بھارتی پلیٹ فارم پر سالانہ 43 لاکھ 50 ہزار بھارتی روپے تنخواہ لینے والے شخص نے مفت کھانا دینے والی کمپنیوں کے بارے میں عجیب انکشاف کر دیا۔
گریپ وائن کے مالک سومل ترپاٹھی نے سوشل میڈیا پلیٹ فارم X (سابقہ ٹویٹر) پر ایک صارف کی پوسٹ کا اسکرین شاٹ شیئر کیاہے ، جس میں ان کمپنیوں کے بارے میں پوچھا گیا جو مفت کھانا فراہم کرتی ہیں۔
سومل ترپاٹھی نے ایکس پوسٹ میں لکھا کہ وہ مشکل سے ایسے لوگوں کو دیکھتے ہیں جو اپنی ترجیحات اور مستقبل کے انتخابات کے بارے میں واضح ہیں۔ جس وجہ سے وہ نئی نوکری تلاش کر رہے ہیں وہ آسان ہے اور وہ ہے اچھا کھانا۔
انہوں نے پوسٹ میں لکھا کہ ان کی سالانہ تنخواہ 43 لاکھ بھارتی روپے سے زیادہ ہے ،وہ جم میں باقاعدگی سے ٹریننگ کرتے ہیں اور انہیں 4.5 سال کا تجربہ ہے۔ ان کے کھانے کے اخراجات کافی زیادہ ہیں اس لیے وہ ایک ایسی کمپنی کی تلاش میں ہیں جو دن میں چار وقت کے کھانے کا خرچ پورا کر سکے۔
انہوں نے پوسٹ میں یہ بھی لکھا کہ وہ ایک ایسی کمپنی میں شامل ہونا چاہتے ہیں جو اچھی پروٹین والی غذائیں اور دن میں چار وقت کا کھانا فراہم کرتی ہے۔ اس لیے انہوں نے گوگل میں انٹرویو کی تیاری بھی شروع کر دی ہے۔
واضح رہے کہ گریپ وائن ایک ایسا پلیٹ فارم ہے جہاں صارفین اپنے کیرئیر پر بات کرتے ہیں۔
