کویت اردو نیوز : پاکستانی نژاد شاہد چوہدری نے کینیڈا میں قابل فخر کارنامہ سر انجام دے دیا ۔
: جسٹس شاہد چوہدری اونٹاریو کورٹ آف جسٹس کینیڈا میں جج مقرر کر دئیے گئے ہیں ، وہ اس قانونی عہدےپر مقرر ہونے والے پہلے پاکستانی بن چکے ہیں ۔
جسٹس شاہد 2011 ء میں کینیڈین امیگریشن اور سٹیزن شپ کنسلٹنٹ ہونے کیساتھ ساتھ کالج آف فزیشنز اینڈ سرجنز آف اونٹاریو کی کونسل اور کینیڈا کی مختلف کمیٹیوں کے رکن بھی رہ چکے ہیں۔
جسٹس شاہد نے یونیورسٹی آف انجینئرنگ اینڈ ٹیکنالوجی، لاہور سے الیکٹریکل انجینئرنگ کی ڈگری حاصل کی، جب کہ انہوں نے آسگوڈ ہال لا اسکول، کینیڈا سے پوسٹ گریجویٹ سرٹیفکیٹ مکمل کیا۔
جسٹس آف پیس کا عہدہ سنبھالنے والے شاہد چوہدری 25 سال قبل کینیڈا چلے گئے تھے جب کہ ان کا تعلق پنجاب کے شہر بورے والا سے ہے۔شاہد چوہدری کینیڈا کے شہر وٹبی کی ڈپٹی میئر ملیحہ شاہد کے شوہر ہیں۔
