کویت اردو نیوز : پہلی سعودی مملکت کے باقاعدہ قیام کا اعلان امام محمد بن سعود نے فروری 1139ھ مطابق 1727ء کو کیا۔ ان کا سلسلہ 1233ھ مطابق 1818ء تک جاری رہا۔ ریاست کا دارالحکومت الدرعیہ تھا۔ پہلی سعودی مملکت کے بانی نے ملک کے آئین کو قرآن و سنت قرار دیا۔
یوم تاسیس 300 سال قبل سعودی مملکت کے قیام کی یاد منانے کا دن ہے۔ یوم تاسیس پہلی سعودی مملکت کی تاریخ اور اس کے ثقافتی ورثے کی دیرینہ یادوں کو زندہ کر رہا ہے۔
حرمین شریفین کے متولی شاہ سلمان بن عبدالعزیز نے 27 جنوری 2022 کو ایک شاہی فرمان جاری کرتے ہوئے پہلی سعودی مملکت کے قیام کےدن کو یوم تاسیس کے طور پر منانے کا فیصلہ کیا ۔
جہاں تک سعودی عرب کے قومی دن کا تعلق ہے، یہ ہر سال 23 ستمبر کو منایا جاتا ہے۔ تیسری سعودی مملکت کے قیام کی خوشی میں قومی دن منایا جا رہا ہے۔ شاہ عبدالعزیز آل سعود نے 21 جمادی الاول 1351ھ 23 ستمبر 1932 کو تیسری سعودی مملکت کے قیام کا اعلان کیا۔ اسی مناسبت سے سعودی رہنما اور عوام 23 ستمبر کو قومی دن مناتے ہیں۔
پہلی سعودی ریاست کے دارالخلافہ کا قیام جزیرہ نما عرب کی سیاسی تاریخ میں ایک اہم سنگ میل تھا۔ یہ جدید دور میں ریاست مدینہ کو زندہ کرنے کی کوشش تھی۔ جسے پیغمبر اسلام نے مکہ مکرمہ سے یثرب (مدینہ) کی طرف ہجرت کے بعد قائم کیا تھا۔
پہلی سعودی مملکت امام محمد بن سعود نے 1139ھ مطابق 1727 عیسوی میں قائم کی۔ اس کا دارالخلافہ الدرعیہ تھا۔ ان کا یہ سلسلہ 1233ھ مطابق 1817ء تک جاری رہا۔ پہلی سعودی ریاست کے بعد امام ترکی بن عبداللہ بن محمد بن سعود نے دوسری سعودی ریاست قائم کی۔ ان کا یہ سلسلہ بالترتیب 1240 سے 1309 ہجری 1824 سے 1891 تک جاری رہا۔ پھر تیسری سعودی مملکت شاہ عبدالعزیز آل سعود نے 1319ھ 1901ء میں قائم کی۔ ان دنوں شاہ سلمان بن عبدالعزیز اور شہزادہ محمد بن سلمان کے دور میں ہر سطح اور ہر میدان میں ترقی اور کامیابی کے جھنڈے گاڑ رہے ہیں۔
