کویت اردو نیوز : دنیا بھر میں رمضان المبارک کا آغاز 12 مارچ سے متوقع ہے۔ روزے کے دوران، مسلمان سحری کے اختتام سے افطار کے وقت تک کھانے پینے سے پرہیز کرتے ہیں۔ یہ اوقات ملک کے لحاظ سے مختلف ہوتے ہیں۔
عام طورپرخط استوا کے قریبی ممالک میں روزےکے اوقات کم ہوتے ہیں لین شمالی اورجنوبی عرض بلد میں یہ دورانیہ زیادہ ہوتا ہے۔
روزے کادورانیہ عام طور پر دس سےلیکراٹھارہ گھنٹے تک ہوتا ہے لیکن جغرافیائی محل وقوع کےلحاظ سےمختلف ممالک میں روزے کےاوقات میں کمی یاپھراضافہ بھی ہوتاہے۔
طویل اور مختصر دورانیے کے روزے کی بنیادی وجہ سورج ہے، جب کہ کچھ ممالک جیسے الاسکا اور گرین لینڈ میں سورج کبھی غروب نہیں ہوتا، اس لیے ان ممالک میں روزہ دار نماز کے لیے مخصوص وقت یا مکہ مکرمہ کے مطابق روزہ افطار کرتے ہیں ۔
آئیے جانتے ہیں کہ اس سال دنیا کے کس ملک میں سب سے طویل روزہ ہوگا اور کس ملک میں سب سے چھوٹا روزہ ہوگا۔
سب سے طویل روزہ آئس لینڈ میں ہوگا جو 18 گھنٹے سے زائد پر محیط ہوگا، اس کے بعد فن لینڈ، اسکاٹ لینڈ اور کینیڈا کا نمبر ہے جہاں 17 سے 18 گھنٹے کا روزہ ہوگا۔ برطانیہ اور فرانس 16 سے 17 گھنٹے کے درمیان روزہ رکھتے ہیں جب کہ سوئٹزرلینڈ، اٹلی اور اسپین میں روزہ تقریباً 15 گھنٹے کا ہوگا۔
اسی طرح سب سے کم روزہ نیوزی لینڈ، چلی اور ارجنٹائن میں 12 گھنٹے 44 منٹ پر ہے۔ پاکستان، بھارت، انڈونیشیا وغیرہ میں 13 سے 15 گھنٹے کا روزہ ہوگا۔
