کویت اردو نیوز : امریکی میگزین نے اس سال سیاحت کرنے کے لیے 30 ممالک کی نئی فہرست جاری کی ہے۔ امریکی میگزین سی ای او ورلڈ کی سرفہرست 30 ممالک کی فہرست میں 2 عرب ممالک شامل ہیں جو اپنے منفرد تنوع اور بھرپور تجربات کی وجہ سے نمایاں مقام رکھتے ہیں۔
متحدہ عرب امارات 10ویں اور مصر 24ویں نمبر پر ہے۔ امارات کو جدید طرز زندگی اور بڑے شاپنگ مالز اور بہترین تفریحی مقامات کے لحاظ سے جب کہ آثار قدیمہ اور اہم تاریخی مقامات کے حوالے سےمصر کو ٹاپ 30 فہرست میں شامل کیا گیا ہے ۔
غیر ملکی ویب سائٹ کے مطابق اس رپورٹ میں کچھ ایشیائی ممالک بھی شامل ہیں جو سیاحت میں مقبول ہیں۔
امریکی میگزین کی فہرست میں متحدہ عرب امارات اور مصر شامل ہیں۔ میگزین نے 295 ہزار افراد سے حاصل کردہ معلومات پر ایک رپورٹ تیار کی ہے۔
رپورٹ کے مطابق تھائی لینڈ 72.15 پوائنٹس کے ساتھ سرفہرست رہا۔ یونان 67.22 پوائنٹس کے ساتھ دوسرے، جب کہ انڈونیشیا تیسرے، پرتگال چوتھے اور سری لنکا پانچویں نمبر پر ہے۔ فہرست میں ہندوستان 9ویں، برطانیہ بارہویں، امریکہ 14 ویں، مالدیپ سترویں اور فلپائن 26ویں نمبر پر ہے۔
