کویت اردو نیوز : مشہور بھارتی اداکار ویوین ڈی سینا نے اسلام قبول کرنے کا اعلان کر دیاہے۔ وہ کہتے ہیں کہ رمضان ان کے لیے انتہائی خاص اہمیت کا حامل ہے کیوں کہ روزے کے دنوں میں انسانیت روحانی پختگی کی طرف راغب ہوتی ہے۔
ویوین کا کہنا تھا کہ انہوں نے گزشتہ سال رمضان کے مہینے میں اسلام قبول کرلیا تھا، اس لیے ان کے لیے رمضان کی انتہائی خاص اہمیت ہے۔ وہ 6 سال سے روزے رکھے ہوئے ہے۔ ماہ رمضان کے روزے ہر مسلمان پر فرض ہیں۔ یہ اسلام کے پانچ بنیادی ستونوں میں سے ایک ہے۔
ہندوستان ٹائمز کی ایک رپورٹ کے مطابق ویوین ڈی سینا نے کہا کہ وہ ہر سال رمضان کے روزے رکھتے ہیں۔ ان کا کہنا ہے کہ انہوں نے ایک سال قبل اسلام قبول کیا تھا اور اب صرف اس کا اعلان کیا جا رہا ہے۔
انہوں نے مزید کہا کہ خدا کے فضل سے، میری بیوی اور خاندان ہر سال رمضان کو میرے لیے کھانے کا تہوار بناتے ہیں،‘‘ ۔ ہم رمضان کے مہینے میں طرح طرح کے کھانے پکاتے ہیں اور طرح طرح کے میٹھوں کا بھی اہتمام کرتے ہیں۔
ویوین نے کہاہےکہ میرے دوست اور اہل خانہ بے حد پریشان ہیں کہ میں رمضان میں سارا دن پانی اور کافی کے بغیر کیسے رہ سکتا ہوں، جب کہ میں کافی کے بغیر نہیں رہ سکتا تھا ۔
یاد رہے کہ ویوین کی پہلی شادی 2013 ء میں وابیز دراب جی کے ساتھ ہوئی تھی اور یہ 2017 ءمیں ختم ہوئی۔ 2022 ء میں اس نے نورین علی سے شادی کی۔ اور اب وہ دونوں خوش گوار ازدواجی زندگی گزار رہے ہیں۔
