کویت اردو نیوز، 3 اکتوبر 2023 : حال ہی میں جرمن میوزیم کے ایک سابق ملازم کو مبینہ طور پر متعدد پینٹنگز کو جعلی کاپیوں کے ساتھ تبدیل کر کے اصلی پینٹنگز کو فروخت کرنے کے الزام میں گرفتار کرلیا ہے۔
تفصیلات کے مطابق جرمنی کے پرائیویسی کے سخت قوانین کے باعث میونخ میں ڈوئچز میوزیم کے 30 سالہ سابق ملازم کی شناخت ظاہر نہیں کی گئی، البتہ یہ بتایا گیا ہے کہ ملازم نے کم از کم 4 پینٹنگز کو ان کی کاپیوں سے تبدیل کرنے کا اعتراف کرلیا ہے۔
بتایا گیا ہے کہ 2016 سے لے کر 2018 کی مدت میں ملازم نے آرٹ کی پینٹنگز کو کئی نیلامیوں میں فروخت کیا اور اس رقم کو قرض ادا کرنے کیلئے استعمال کیا۔ اس کے علاؤہ رقم کو پرتعیش سامان خریدنے جیسے مہنگی کلائی گھڑیاں اور رولز رائس گاڑی خریدنے میں بھی سرف کیا۔
سابق ملزم نے عدالت میں اپنے جرم کا اعتراف کیا اور بتایا کہ اس نے اسٹوریج کمروں تک رسائی کے موقع سے فائدہ اٹھایا اور ملک کے قیمتی ثقافتی اثاثے فروخت کئے تاکہ اپنے لئے بہترین معیار زندگی کو یقینی بنایا جا سکے۔
