کویت اردو نیوز : سعودی عرب کی جانب سے ریکوڈک میں ایک ارب ڈالر تک کی سرمایہ کاری متوقع ہے۔
سعودی عرب پاکستان میں بھاری سرمایہ کاری کرنا چاہتا ہے، سعودی عرب کی جانب سے ریکوڈک میں ایک ارب ڈالر تک کی سرمایہ کاری کا امکان ہے۔
ذرائع کا کہنا ہے کہ وزیراعظم سعودی عرب کے ریکوڈک میں سرمایہ کاری کیلیےکمیٹی بنائیں گے، وزارت خزانہ کی کمیٹی میں اوجی ڈی سی ایل، پی پی ایل اوروزارت توانائی کےحکام بھی شامل ہوں گے۔
وزارت خزانہ کا کہنا ہے کہ کمیٹی کی تشکیل کے لیے وزارت خزانہ اور توانائی کی سمری وزیراعظم کو بھجوائی جائے گی۔ عربوں کے درمیان حکومتی معاہدہ ہوگا۔
وزارت خزانہ کے ذرائع کے مطابق او جی ڈی سی ایل اور پی پی ایل کے شیئرز سعودی عرب کو فروخت کیے جائیں گے۔ سعودی عرب کی جانب سے یہ سرمایہ کاری اگلے ماہ میں کرنے کا منصوبہ ہے۔
واضح رہے کہ ماضی کی حکومتیں بھی یہ دعویٰ کرتی رہی ہیں کہ یہ منصوبہ گیم چینجر ہے اور بلوچستان اس سے 33 فیصد مالی فوائد حاصل کر سکتا ہے۔
