کویت اردو نیوز 26 فروری: کویت پولیس کے پاس الیکٹرانک ڈیوائسز e-checking کے ذریعے قرنطین شدہ اور متاثرہ افراد کو چیک کرنے کی سہولت موجود ہے۔
روزنامہ عرب ٹائمز کے سیکیورٹی ذرائع کے مطابق وزارت داخلہ اور وزارت صحت کے مابین الیکٹرانک ربط موجود ہے تاکہ گشت کرنے والی سیکیورٹی ٹیموں کو کوویڈ-19 وائرس سے متاثرہ افراد، گھر یا ادارہ جاتی قرنطین کرنے والے افراد کی تصدیق کی جاسکے۔
ذرائع نے وضاحت کی کہ گشت کرنے والی ٹیمیں آسانی سے ان آلات کی وساطت سے انکوائری کر کے ان افراد کا پتہ لگا سکتی ہیں۔ قانونی تقاضوں کی خلاف ورزی کرنے والوں کے خلاف قانونی اقدامات اٹھائے جائیں گے اور انہیں گرفتار کرکے کارروائی کی جائے گی۔
گشت کرنے والی سیکیورٹی ٹیموں کو ان لوگوں کی چیکنگ کے لئے سخت ہدایات دی گئی ہیں جن کو "شلوونک” ایپ استعمال کرنے اس میں کوتاہی نہ برتنے اور قرنطین کے ضروری اقدامات اٹھانے کا پابند کیا گیا ہے۔
ریاست کی متعدد وزارتیں ایسے شہریوں یا باشندوں کو وصول نہیں کریں گی جو گھر یا ادارہ جاتی قرنطین کے پابند ہیں کیونکہ الیکٹرانک لنک سے یہ معلوم کیا جا سکتا ہے کہ اس شخص کی حیثیت کیا ہے آیا کہ وہ قرنطین کی مدت میں ہے یا نہیں نیز وہ متاثر تھا یا نہیں یا کسی متاثرہ شخص سے رابطے میں رہا ہے یا نہیں۔