کویت اردو نیوز 13 جولائی: گردآلود موسم سمندری حیاتیات کے فوائد کے ساتھ ساتھ انسانی زندگی کے لئے خطرناک ہے: کویتی محققین
اکثر اوقات لوگ گرد اور دھول کے فوائد بیان کرتے نظر آتے ہیں جیسے یہ بچوں میں قوت مدافعت کو مستحکم کرتا ہے۔ گردآلود موسم میں سمندر کو قدرتی طور پر اہم عناصر سپلائی ہوتے ہیں۔ یہ بارش میں مدد کرتا ہے اور زہریلی گیسوں کو کم کرنے میں معاون ثابت ہوتا ہے۔ گردآلود موسم کے کتنے ہی فوائد بیان کردیئے جائیں لیکن اس بات سے انکار نہیں کیا جاسکتا کہ اس موسم کے انسانی صحت پر کافی منفی اثرات مرتب ہوتے ہیں۔ اس حوالے سے دو کویتی محققین نے اپنے مطالعے کی روشنی میں دھول کے بہت سے نقصانات سے خبردار کیا۔ اس تناظر میں کویت یونیورسٹی میں ماہر حیاتیات کے پروفیسر ڈاکٹر سمایا الحوثی نے بتایا کہ
"دھول کے نقصان اس کے فوائد سے کہیں زیادہ ہیں” اس کے علاوہ یہ سانس کی بیماریوں کا سبب بنتا ہے جیسے دمہ کی بیماری ، جلد کی الرجی اور آنکھوں پر منفی اثر ڈالتا ہے ۔ گھروں میں اس کا داخلہ اور قالین اور فرنیچر پر اس کا جمع ہونا اور کھجور کے درختوں پر اس کا جمع ہونا (Dust Mites) کی افزائش کا سبب بنتا ہے جو ایک کیڑا ہے جو خاک پر رہتا ہے اور بیماریوں کا سبب بنتا ہے اور انسانوں اور فصلوں کو نقصان پہنچاتا ہے۔
اس حوالے سے ماحولیاتی امور کے محقق ڈاکٹر محمد السائغ نے کہا کہ "مٹی کے بہت سے نقصانات ہیں اور اس کا فائدہ اس کے سوا کچھ نہیں ہے کہ یہ سمندری جنگلی حیات کے لئے فائدہ مند ہے۔ انہوں نے مزید کہا کہ "ایک ایسی معلومات جو بہت سے لوگوں کو معلوم نہیں ہوسکتی ہے اور وہ پانچ سال قبل چین میں کی جانے والی سائنسی تحقیق میں ثابت ہوئی تھی اور وہ یہ ہے کہ دھول کے طوفانوں کے بہت سارے نقصانات کے باوجود دھول کا ایک فائدہ یہ ہے کہ یہ سمندری حیاتیات پر مثبت اثرات مرتب کرتا ہے۔ انہوں نے مزید کہا کہ
"دھول کے طوفان فائدہ مند غذائی اجزاء جیسے نائٹروجن ، فاسفورس اور آئرن ساحلی مرجان میں بائیو کیمیکل سائیکل کو مثبت طور پر متاثر کرتے ہیں ان سے سمندری زندگی کی پیداواری صلاحیت میں اضافہ ہوسکتا ہے اور ساتھ ہی ماحولیاتی کاربن ڈائی آکسائیڈ کو بھی کم کیا جاسکتا ہے۔”
السائغ نے نشاندہی کی کہ چینی مطالعے نے مٹی کے ذخیرے کی وجہ سے سمندری علاقے میں فائٹوپلانکٹن کی بڑھتی ہوئی شرح کی تصدیق کی ہے اور محققین نے نوٹ کیا ہے کہ گردآلود طوفانی موسم والے سال کے دوران کلوروفیل-اے کی مقدار 40 فیصد زیادہ ہو جاتی ہے جو سمندری پودوں اور سمندری حیاتیاتی پیداواری صلاحیت کی تصدیق کرتا ہے۔
