سعودی عرب میں پاکستانی عمرہ زائرین کا کار ایکسیڈنٹ، 9 افراد جاں بحق 5 زخمی

کویت اردو نیوز، 20 اپریل: سعودی عرب میں ایک کار حادثے میں کم از کم نو پاکستانی عمرہ زائرین جاں بحق اور پانچ زخمی ہوگئے۔ شہید ہونے والوں میں خواتین اور بچے بھی شامل ہیں۔

پاکستانی شہری عمرہ کرنے کے بعد واپس سعودی عرب کے دارالحکومت ریاض جا رہے تھے۔

اطلاعات کے مطابق جاں بحق ہونے والوں میں پاکستان کے ضلع ننکانہ صاحب کے نواحی گاؤں اسلام نگر اور چک 18 کے شہری شامل ہیں، جو سعودی عرب میں اپنے وزٹر ویزے کی بنیاد پر مقیم تھے۔

شہید ہونے والوں کی شناخت ذوالفقار علی، شہباز علی ولد محمد یونس، ام عمارہ، عماریہ بی بی زوجہ محمد طیب گورایہ، حرم فاطمہ دختر محمد طیب، محمد داؤد، ابوذر، تحریم فاطمہ اور حریم فاطمہ دختران محمد شہباز کے نام سے ہوئی ہیں۔

فی الحال کار کے سڑک سے اترنے کی وجہ واضح نہیں ہو سکی۔