کویت اردو نیوز، 23 اپریل: ابوظہبی میں مقیم ایک ہندوستانی تارک وطن مبینہ طور پر اس کے اہل خانہ کے مطابق رمضان کے مقدس مہینے کے آخری دن ایک سے زیادہ کاروں کے آپس میں ٹکرانے کے حادثے میں ہلاک ہوگیا۔
کیرالہ کے پلکاڈ ضلع سے تعلق رکھنے والے سبیش چوزیامپرمبتھ کا انتقال جمعرات، 20 اپریل کو، 36 سال کی عمر میں ہوا۔
اس کے کزن نے بتایا کہ "یہ المفراق کے علاقے میں متعدد کاروں کا حادثہ تھا۔ سبیش اور دو اور لوگ پچھلی سیٹ پر بیٹھے تھے۔ جس گاڑی میں وہ سفر کر رہے تھے اسے ٹکر لگی تھی۔ ان میں سبیش تو اب نہیں رہے لیکن ایک شخص شدید زخمی ہے اور آئی سی یو میں ہے اور دوسرے شخص کو معمولی چوٹیں آئی ہیں،”
ابوظہبی کا رہائشی سبیش گزشتہ دو سالوں سے لینڈ سکیپنگ کمپنی میں کام کر رہا تھا اور اس سال کے آخر میں اسکی شادی بھی ہونیوالی تھی۔
سبیش کے رشتہ دار نے بتایا کہ "سبیش کی منگنی ہوگئی تھی اور اس سال کے آخر میں واپس آنے کے بعد اسکا شادی کرنے کا ارادہ تھا،‘‘
سبیش دوسرے دوستوں کے ساتھ عید الفطر کی تعطیلات سے قبل خریداری کے لیے المصافہ سے سفر کر رہے تھے جہاں وہ رہتا ہے۔
اس نے مزید کہا کہ "ہندوستانی سفارت خانے نے ضروری کاغذی کارروائی مکمل کرنے میں مدد کی ہے۔ ہمارا دوسرا کزن اتوار کے روز سبیش کی لاش کے ساتھ واپس اڑان بھرے گا،‘‘
