اسرائیل کےحامی امریکی چینل نے 3 مسلمان اینکرز کو معطل کر دیا

کویت اردو نیوز ، 16 اکتوبر 2023: اسرائیل کی حمایت کرنےوالے ایک امریکی چینل نے 3 مسلمان اینکرز کو معطل کردیا۔

غیر ملکی میڈیا کے مطابق امریکی چینل نے غزہ پر اسرائیل کے حملوں کے دوران مشہور اینکر مہدی حسن اور دیگر 2 مسلم اینکرز علی ویلشی اور ایمن محی الدین کو پروگرام کرنے سے روک دیا۔

عرب میڈیا کا کہنا ہے کہ ان اینکرز کے شوز کی معطلی کا فیصلہ حماس کے اسرائیل پر حملے کے نتیجے میں کیا گیا ہے۔ صحافیوں کی بین الاقوامی تنظیم کے مطابق غزہ پر اسرائیل کے حملوں میں اب تک 12 صحافی اپنے فرائض کی انجام دہی کے دوران ہلاک ہو چکے ہیں۔

اسرائیل کی وحشیانہ بمباری میں اب تک 2600 فلسطینی شہید اور ہزاروں زخمی ہو چکے ہیں جب کہ 10 لاکھ سے زائد بے گھر ہو چکے ہیں۔