شوہر کے ہاتھوں جلنے والی بیوی اسپتال میں دم توڑ گئی

کویت اردو نیوز : گوجرانوالہ (پاکستان) میں شوہر کے ہاتھوں مبینہ طور پر جلنے والی دوسری بیوی لاہور کے ہسپتال میں دم توڑ گئی۔

پولیس کا کہنا ہے کہ شوہر کی جانب سے دوسری بیوی کو مبینہ طور پر جلانے کا واقعہ چند روز قبل گوجرانوالہ کے علاقے بہلول چک میں پیش آیا تھا۔

پولیس کے مطابق شمائلہ اور نصیر کی دو سال قبل دوستی ہوئی، دونوں پہلے سے شادی شدہ تھے۔ شمائلہ نے اپنے پہلے شوہر سے طلاق لے کر 7 ماہ قبل نصیر سے شادی کی۔

پولیس کا کہنا ہے کہ شادی کے بعد شمائلہ اور نصیر کی پہلی بیوی روبینہ میں جھگڑا شروع ہوگیا جس پر نصیر اور اس کی پہلی بیوی نے مبینہ طور پر دوسری بیوی کو پٹرول چھڑک کر آگ لگا دی۔

جس کے بعد متاثرہ کو تشویشناک حالت میں لاہور کے ہسپتال منتقل کیا گیا جہاں وہ زخموں کی تاب نہ لاتے ہوئے چل بسی۔