کویت اردو نیوز : لوگوں کے مسکراتے چہروں پر ڈمپل کافی خوبصورت لگتی ہیں۔ لیکن یہ ڈمپل بہت کم چہروں پر نظر آتے ہیں۔
ڈمپل گالوں کے ایک یا دونوں طرف ہو سکتے ہیں لیکن سوال یہ ہے کہ یہ خصوصیت صرف چند چہروں کا حصہ کیوں ہے؟
زیادہ تر لوگوں کا خیال ہے کہ یہ جینیاتی ہے، لیکن اس کے بارے میں کافی بحث ہوتی ہے۔ تو کتنے لوگوں کے چہرے پر ڈمپل ہیں؟ اس کا درست اندازہ لگانا ممکن نہیں لیکن 2300 سے زائد افراد پر کی گئی تحقیق میں 37 فیصد لوگوں کے گالوں پر ڈمپل پائے گئے۔
ماہرین کے مطابق اس سلسلے میں چہرے کا ایک مسل zygomaticus major، اہم کردار ادا کرتا ہے۔ یہ مسل چہرے کے تاثرات کے لیے اہم ہیں اور اسی کی مدد سے ہم مسکراہٹ کے دوران منہ کے کونوں کو بلند کرنے کے قابل ہوتے ہیں۔
ڈمپل سے محروم افراد میں، یہ عضلہ زائیگومیٹک ہڈی، گال کی ہڈی کے طور پر شروع ہوتا ہے، اور پھر منہ کے کونوں میں شامل ہونے کے لیے نیچے کی طرف ڈھل جاتا ہے۔
ڈمپل والےچہروں پر، یہ مسل غالباً 2 حصوں میں بٹ جاتا ہے اور نیچے کی طرف ڈھل جاتا ہے۔
ایک حصہ منہ کے کونوں سے جڑا ہوتا ہے جبکہ دوسرا منہ کے کونے کے نیچے سے منسلک ہوتا ہے جبکہ اوپر کی جلد سے بھی جوڑتا ہے۔ مسل کی اس تقسیم کے نتیجے میں مسکراتے ہوئے گالوں پر نمایاں ڈمپل بنتے ہیں۔
عام طور پر گالوں میں ڈمپل بچپن میں نمایاں ہو جاتے ہیں، اس لیے کئی بار اسے غلطی سے پیدائشی نقص کہا جاتا ہے۔ یاد رکھیں کہ گالوں پر ڈمپل زیادہ عام ہوتے ہیں اور صحت پر کوئی منفی اثر نہیں ڈالتے۔
زیادہ تحقیق کی عدم موجودگی میں یہ یقینی طور پر نہیں کہا جا سکتا کہ ڈمپل والدین سے بچوں کو وراثت میں ملے ہیں یا نہیں۔
لیکن جن لوگوں کے گالوں پر ڈمپل ہوتے ہیں اکثر ان کے بچوں کے چہروں پر بھی ڈمپل ہوتے ہیں جو موروثی خصلت کی نشاندہی کرتے ہیں۔
کچھ لوگوں کے ڈمپل زندگی بھر ایک جیسے رہتے ہیں لیکن کچھ لوگوں کے ڈمپل وقت کے ساتھ بدل جاتے ہیں۔
یعنی اگر کسی بچے کے چہرے پر ڈمپل ہیں تو ضروری نہیں کہ وہ بالغ ہونے تک موجود ہوں۔ اسی طرح، اگر کسی بچے کے چہرے پر پیدائشی ڈمپل نہ ہوں تو بھی لڑکپن میں ڈمپل بن سکتے ہیں۔
اگر آپ لوگوں سے پوچھیں کہ کیا انہیں ڈمپل پرکشش لگتے ہیں، تو آپ مختلف رائے سنیں گے۔ لیکن زیادہ تر لوگوں کا خیال ہے کہ ڈمپل لوگوں کو جوان یا زیادہ پرکشش نظر آتے ہیں۔
ویسے، ڈمپل کا تعلق کچھ ثقافتوں میں خوبصورتی اور اچھی قسمت سے بھی ہوتا ہے۔
ایک تحقیق میں بتایا گیا ہے کہ ڈمپل خوشی کا اظہار کرتے ہوئے لوگوں کی توجہ حاصل کرنے میں مدد کرتے ہیں۔
اگر آپ اپنے گالوں پر ڈمپل چاہتے ہیں تو یہ ایک قسم کی پلاسٹک سرجری سے ممکن ہے جسے ڈمپل پلاسٹی کہتے ہیں۔
