کویت اردو نیوز : چونکہ سال 2023 تمام اتار چڑھاؤ اور تلخ یادوں کے ساتھ اپنے اختتام کو پہنچ رہا ہے، 2024 ہم پر ہے، لہٰذا بہت سے لوگ اس بات میں دلچسپی رکھتے ہیں کہ نئے سال میں انہیں کتنے چاند یا سورج گرہن دیکھنے کو ملیں گے۔
سال 2024 کا پہلا سورج گرہن 8 اپریل کو ہوگا۔ یہ مکمل سورج گرہن جنوبی بحرالکاہل سے شروع ہو کر شمالی امریکہ میں پھیلے گا اور امریکہ، میکسیکو و کینیڈا سے ہوتا ہوا گزرے گا۔
کیریبین جزیرے کے ممالک جیسے کیوبا، کوسٹا ریکا، ڈومینیکا، فرنچ پولینیشیا، کیمن آئی لینڈ،جمیکا اور دیگر میں جزوی سورج گرہن نظر آئے گا۔
سورج گرہن پاکستانی وقت کے مطابق سہ پہر 3 بجکر 12 منٹ پر شروع ہوگا اور پاکستانی وقت کے مطابق شام 4 بج کر 60 منٹ پر ختم ہوگا۔
سال 2024 میں بھی 2 اکتوبر کو سورج گرہن ہوگا۔ یہ مکمل سورج گرہن جنوبی امریکہ (ارجنٹینا اور چلی) میں نظر آئے گا جبکہ جنوبی امریکہ، بحر الکاہل، بحر اوقیانوس ، شمالی امریکہ میں جزوی سورج گرہن ہوگا۔ سورج گرہن دوپہر 3 بجکر 12 منٹ پر شروع ہوگا اور شام 4 بجکر 20 منٹ پر ختم ہوگا۔
سال 2024 کا تیسرا سورج گرہن 14 اکتوبر کو ہوگا جس سے تمام سیارے متاثر ہوں گے۔
سال کا پہلا چاند گرہن 25 مارچ کو نظر آئے گا۔ یہ گرہن یورپ، آسٹریلیا، افریقہ،جنوبی امریکہ ، شمالی/مشرقی ایشیا، شمالی امریکہ، اور بحرالکاہل اور انٹارکٹیکا میں نظر آئے گا۔ چاند گرہن پاکستانی وقت کے مطابق صبح 4 بجکر 23 منٹ پر شروع ہوگا۔ یہ اپنے عروج پر صبح 6 بجکر 42 منٹ پر ہوگا جبکہ صبح 9 بج کر 20 منٹ پر ختم ہوگا۔
سال کا دوسرا چاند گرہن جزوی ہوگا۔
نئے سال کے مہینے میں دوسرا چاند گرہن 18 ستمبر کو ہوگا۔ یہ جزوی چاند گرہن یورپ، شمالی/مشرقی جنوبی امریکہ،ایشیا، آسٹریلیا، افریقہ، شمالی/مغربی شمالی امریکہ، بحر اوقیانوس،بحرالکاہل، آرکٹک اور انٹارکٹیکا میں نظر آئے گا۔
چاند گرہن دوپہر 3:08 پر شروع ہوگا، جزوی گرہن شام 4:60 پر ہوگا۔ شام 5 بجکر 43 منٹ پر مکمل چاند گرہن ہوگا۔ مکمل گرہن رات 8:57 پر ختم ہوگا۔