کویت اردو نیوز : فولڈ ایبل فونز عام ہوتے جارہے ہیں، لیکن کیا آپ اس طرح کا ٹیلی ویژن (ٹی وی) رکھنا پسند کریں گے؟
اگر ہاں تو پھردنیاکا پہلافولڈ ایبل ٹی وی متعارف کروا دیا گیا ہے۔
سی سیڈ فولڈنگ ٹیلی ویژن شاندار ٹیکنالوجی سے مزین ہے۔
سی سیڈ ایک کمپنی جو TV بناتی ہے ، نے لاس ویگاس میں کنزیومر الیکٹرانکس شو (CES) کے دوران اپنے نئے فولڈ ایبل ٹی وی کی نقاب کشائی کی۔
اس ٹی وی کی خاص بات یہ ہے کہ جب اسے بند کیا جائے تو آپ اسے مربع باکس کی شکل میں فولڈ کر سکتے ہیں۔
صرف ایک بٹن کو دبانے سے، سکرین مختلف حصوں میں بٹ جاتی ہے اور ایک مستطیل خانے میں تبدیل ہو جاتی ہے۔
یہ سارا عمل ڈھائی منٹ میں مکمل ہو جاتا ہے جس کے بعد یہ ٹی وی کی بجائے ٹھوس دھاتی بینچ کی شکل اختیار کر لیتا ہے۔
کمپنی کے مطابق جب N1 کو کھولا جاتا ہے تو اسکرین کو 180 ڈگری پر گھمایا جا سکتا ہے۔
اس ٹی وی کے لیے مائیکرو ایل ای ڈی ٹیکنالوجی استعمال کی گئی ہے جبکہ 4K ریزولوشن، ایچ ڈی آر اور دیگر فیچرز بھی اس کا حصہ ہیں۔
اس ٹی وی کو خریدنا ہر کسی کے بس کی بات نہیں کیونکہ اس کے 137 انچ اسکرین والے ماڈل کی قیمت $200,000 ہے۔
