کویت اردو نیوز: امیر کویت شیخ مشعل الاحمد الجابر الصباح نے بدھ کے روز ایک امیری فرمان پر دستخط کیے جس کی سربراہی وزیر اعظم شیخ ڈاکٹر محمد صباح ال سالم الصباح کریں گے۔
کویت کے نئے امیر نے نئی حکومت میں خلاف روایت شاہی خاندان سے باہر وزارت خارجہ کا منصب ایک سابق سفارت کار کو سونپ کر ایک نئی اور منفرد نظیر قائم کی ہے۔
یہ تبدیلی نئے امیر کویت الشیخ مشعل الاحمد الجابر الصباح کی طرف سے ’اصلاحات و ترقی‘ پروگرام کی عکاسی کرتی ہے۔
کویت کی تاریخ میں پہلی بار ارجنٹائن میں سابق کویتی سفیر عبداللہ آل یحییٰ کو وزیر خارجہ مقرر کیا گیا۔ اس قبل یہ عہدہ خصوصی طور پر حکمران خاندان کے افراد کے پاس رہا ہے۔
نئی کابینہ 13 وزراء پر مشتمل ہے، جن میں حکمران خاندان کے دو وزراء شامل ہیں۔ الشیخ فہد یوسف الصباح ریٹائرڈ بریگیڈیئر جنرل ہیں انہیں دفاع کا قلمدان اور قائم مقام وزیر داخلہ کے عہدےپر تعینات کیا گیا ہے جبکہ الشیخ فراس سعود المالک الصباح کو سماجی امور کی وزارت اور کابینہ کے امور کے قائم مقام وزیر مملکت کا عہدہ سونپا گیا ہے۔
نورا المشعان کویت کی نئی حکومت میں واحد خاتون وزیر ہیں۔ انہیں وزارت محنت اور میونسپل امور کی وزیر مقرر کیا گیا ہے۔
شیخ ڈاکٹر محمد 13 وزراء پر مشتمل حکومت کی سربراہی کریں گے اور جو حسب ذیل ہیں:
نائب وزیر اعظم، وزیر دفاع اور قائم مقام وزیر داخلہ: فہد یوسف الصباح۔
نائب وزیر اعظم اور وزیر تیل: ڈاکٹر عماد محمد العتیقی۔
وزیر اطلاعات و ثقافت: عبدالرحمن المطیری۔
وزیر صحت: ڈاکٹر احمد عبدالوہاب العوضی۔
سماجی امور، خاندانی اور چائلڈ ہُڈ کے امور کے وزیر، کابینہ کے امور کے قائم مقام وزیر مملکت: فراس سعود الصباح۔
وزیر خزانہ اور وزیر مملکت برائے اقتصادی امور اور سرمایہ کاری: ڈاکٹر انور علی المضف۔
بجلی، پانی اور قابل تجدید توانائی کے وزیر، ہاؤسنگ کے امور کے وزیر مملکت: ڈاکٹر سالم فلاح الحجرف۔
وزیر مملکت برائے قومی اسمبلی امور، وزیر مملکت برائے امور نوجوانان اور وزیر مملکت برائے مواصلات: داؤد سلیمان معرفی۔
وزیر تعلیم اور وزیر اعلیٰ تعلیم اور سائنسی تحقیق: ڈاکٹر عادل محمد العدوانی۔
وزیر تجارت و صنعت: عبداللہ حماد الجوعان۔
وزیر خارجہ: عبداللہ علی ال یحیی۔
وزیر انصاف اور وزیر اوقاف و اسلامی امور: فیصل سعید الغریب۔
تعمیرات عامہ کے وزیر اور بلدیات کے امور کے وزیر مملکت: ڈاکٹر نورا محمد المشعان۔
وزیر اعظم شیخ ڈاکٹر محمد قومی اسمبلی کو اس حکم نامے کے بارے میں آگاہ کریں گے، جو اس کی اشاعت کی تاریخ سے نافذ العمل ہوگا۔
