اٹلی میں پاکستانی باکسر اپنے ساتھی کی رقم چرا کر غائب ہو گیا

کویت اردو نیوز : اٹلی میں ایک پاکستانی باکسر اپنے ساتھی کے باکسنگ بیگ سے رقم چوری کرکے لاپتہ ہوگیا۔

پاکستانی باکسنگ ٹیم ان دنوں اٹلی میں ہے جہاں پیرس اولمپکس کے کوالیفائرز ہو رہے ہیں اور پاکستانی ٹیم میں تین مرد اور خواتین باکسر شامل ہیں۔

پاکستان باکسنگ فیڈریشن کے سیکرٹری نے بتایا کہ زوہیب رشید لاپتہ ہیں، پولیس رپورٹ بھی جمع کرا دی گئی ہے۔

غور طلب ہے کہ زوہیب راشد نے 2022ء ایشین چیمپئن شپ میں کانسی کا تمغہ جیتا تھا، زوہیب رشید نے جونیئر سطح پر بھی تمغہ جیتا تھا۔

پاکستان باکسنگ فیڈریشن کے سیکرٹری کرنل ناصر ٹونگ نے تصدیق کی ہے کہ قومی باکسر زوہیب رشید نے اپنے باکسنگ پارٹنر کے بیگ سے پاؤنڈز چرائے، انکا کہنا تھا کہ باکسرٹریننگ کیلیے باہر گئےتو زوہیب نے ہوٹل کےریسپشن سےچابی لی اور بیگ سےپاؤنڈ لےکر بھاگ گیا۔

ریٹائرڈ کرنل ناصر تونگ کا کہنا تھا کہ زوہیب رشید اپنی پہلی فائٹ کے لیے بھی نہیں آئے اور 51 کلوگرام کیٹیگری میں زوہیب رشید سے مقابلہ کرنے والے باکسر کو واک اووردےدیاگیا۔

ان کا کہنا تھا کہ باکسنگ بیگ میں تقریباً 250 پاؤنڈ (تقریباً 88 ہزار پاکستانی روپے) تھے۔