کویت اردو نیوز 08 ستمبر: سعودی عرب نے کورونا وائرس کے پھیلاؤ کے پیش نظر لگائی جانے والی سفری پابندیوں میں نرمی کرتے ہوئے تین ممالک کو فہرست سے نکال دیا۔
تفصیلات کے مطابق عالمی وبا کورونا وائرس کی وجہ سے ہونے والی عارضی سفری پابندیوں کے حوالے سے سعودی حکومت کی جانب سے اہم پیش رفت سامنے آئی ہے۔ سعودی عرب کی جنرل اتھارٹی برائے سول ایوی ایشن GACA نے متحدہ عرب امارات، ساؤتھ افریقہ اور ارجنٹینا پر سے پابندیاں ختم کردیں۔ سعودی ایوی ایشن کے مطابق ان ممالک میں رہنے والے سعودی شہری اب باآسانی وطن واپس آسکیں گے جبکہ اس سلسلے میں نوٹیفیکشن بھی جاری کردیا گیا ہے۔ سعودی ایوی ایشن نے نوٹیفکیشن میں ہدایات جاری کی ہیں کہ
مسافروں کو تمام کورونا احتیاطی تدابیر کی پابندی لازمی کرنا ہوگی۔ نوٹیفکیشن کے مطابق کورونا وائرس سے بچاؤ کی گائیڈ لائنز پرعمل نہ کرنے والے افراد کے خلاف سختی سے نمٹا جائے گا۔ نیا ہدایت نامہ آج بدھ آٹھ ستمبر سے نافذ العمل ہو چکا ہے۔
