کویت اردو نیوز 27 ستمبر: ریاست بحرین کی کابینہ نے VAT ویلیوایڈڈ ٹیکس کو دوگنا بڑھانے کی منظوری دے دی ہے۔
تفصیلات کے مطابق بحرین کی حکومت نے یکم جنوری 2022 سے نافذالعمل ہونے والے اضافی قدری ٹیکس (ویلیوایڈڈ ٹیکس) میں ترمیم کی منظوری کے لیے باضابطہ طورپرایک مجوزہ مسودہ پارلیمان کو بھیج دیا ہے۔ بحرین نیوزایجنسی (بی این اے) کے مطابق حکومت نے ویلیوایڈڈ ٹیکس کے قانون کی کچھ شقوں میں ترمیم کے لیے مسودۂ قانون کو قانون سازاتھارٹی کے سپردکرنے کی منظوری دی ہے۔ اس میں یکم جنوری 2022ء سے وی اے ٹی (ویلیوایڈڈ ٹیکس) کی شرح میں ترمیم تجویز کی گئی ہے۔ بحرین کی کابینہ نے جنوری 2022 سے شروع ہونے والے ویلیو ایڈڈ ٹیکس میں ترمیم کرنے اور
اسے موجودہ 5 فیصد سے بڑھا کر 10 فیصد کرنے کے مسودے کی منظوری دے کر ویلیو ایڈڈ ٹیکس میں ترمیم کا مسودہ پارلیمنٹ کو منظوری کے لیے بھیج دیا ہے۔ یاد رہے کہ مملکت بحرین نے یکم جنوری 2019 کو کچھ سامان اور خدمات کو چھوڑ کر باقی تمام اشیاء اور خدمات پر 5 فیصد کی بنیادی شرح سے ویلیو ایڈڈ کا اطلاق شروع کیا تھا۔
رپورٹ میں یہ واضح نہیں کیا گیا کہ آیا بحرینی حکومت وی اے ٹی میں اضافہ کرے گی یا کم کرے گی فی الحال اس کی شرح 5 فی صد ہے تاہم اتوار کے روزمتعدد مقامی رپورٹس میں بتایا گیا تھا کہ بحرین حکومت ریاستی محاصل کو بڑھانے اور اپنے بجٹ خسارے کو کم کرنے کے لیے ویلیوایڈڈ ٹیکس کو دُگنا کرکے 10 فی صد کرنے پرغور کررہی ہے۔ بحرین کے پارلیمانی ذرائع اورحکومت کے قریبی ذرائع نے وی اے ٹی میں دس فی صد تک اضافے سے متعلق مقامی ذرائع ابلاغ کی خبروں کی تصدیق کی ہے۔