کویت اردو نیوز 14 اکتوبر: کورٹ آف کیسیشن نے دو عربوں کے ساتھ ساتھ کئی ایشیائی باشندوں کی اپیل کورٹ آف اپیل کے فیصلے کے خلاف مسترد کر دی جنہیں خون کے تجزیے کے نتائج میں رد و بدل کرنے کے عوض رشوت اور جعلسازی کی بنیاد پر دس سال قید کی سزا سنائی گئی تھی۔
تحقیقات کے بعد، مدعا علیہان کو مقدمے کے لیے بھیجا گیا جس سے یہ معلوم ہوا کہ انھوں نے وائرل بیماریوں میں مبتلا متعدد رہائشیوں کو "میڈیکل سرٹیفکیٹ” جاری کیے تھے جن میں یہ لکھا گیا کہ متعلقہ فرد صحتمند ہے اور انہیں ملک میں رہائش فراہم کرنے کے لیے ریزیڈنس افیئر ڈیپارٹمنٹ میں جمع کرایا تھا۔
دریں اثنا، ایک بھارتی کو گھریلو ملازم کے طور پر رہائشی اجازت نامہ حاصل کرنے کے لیے گرفتار کیا گیا جب وہ ایک سرٹیفکیٹ پیش کر رہا تھا جس میں لکھا گیا تھا کہ "صحت مند فٹ” حالانکہ کارکن کام کے لیے نا اہل تھا۔
غیرملکی کو دھوکہ دہی سے طبی معائنہ پاس ہونے کا سرٹیفکیٹ اور رہائش حاصل کرنے کی اجازت دی گئی جس کے عوض رقم ادا کی گئی۔ مشتبہ شخص کو گرفتار کیا گیا اور اس نے وزارت صحت کے ثالثوں اور ملازمین سمیت دوسروں کو ہدایات دینے کا اعتراف کیا جنہوں نے 200 سے 350 دینار کی رقم کے عوض یہ سرٹیفکیٹ جاری کرنے کا اعتراف کیا۔
