کویت نے دنیا کا سب سے بڑا بشت بنا کر عالمی ریکارڈ بنا ڈالا

کویت اردو نیوز 13 فروری: ریاست کویت نے دنیا کے سب سے بڑے بشت (داشا) کے ساتھ ایک نیا کارنامہ گنیز بک آف ریکارڈ میں درج کرادیا۔

بشت کا سائز (17 بائی 16 میٹر) تھا، جو پچھلے ریکارڈ (17 بائی 9 میٹر) سے زیادہ تھا۔ روزنامہ الرای نے کویت نیوز ایجنسی کے حوالے سے رپورٹ کیا کہ

اس کی پیداوار کی نگرانی البغلی نمائش برائے بشت صنعت نے کی تھی جبکہ اس کی سلائی میں 48 دن لگے تھے۔ گنیز سے تسلیم شدہ ثالث، کنزی الدفراوی نے "بشت البغلی” نمائش کے مالک ریاض البغلی کو "دنیا کا سب سے بڑا بشت” جس کا سائز (17 بائی 16 میٹر) ہے بنانے کے اعزاز سے نوازا جبکہ دنیا کا سب سے بڑا بشت بنانے کا یہ ریکارڈ اس سے قبل سعودی عرب کے پاس تھا۔