کویت اردو نیوز 22 مارچ: "اذنِ عمل” پر لکھے گئے ملازمت کے ٹائٹل میں تبدیلی کو روکنے اور معمولی کارکنوں کا محاصرہ کرنے کے مقصد کے تحت، کویت کی پبلک اتھارٹی برائے افرادی قوت نے
غیرملکیوں کی تعلیمی قابلیت کو جانچنے اور انہیں جاری کیے گئے ورک پرمٹ سے منسلک کرنے کے لیے ایک نیا طریقہ کار نافذ کرنا شروع کر دیا ہے۔
روزنامہ القبس کے باخبر ذرائع نے بتایا کہ یہ طریقہ کار افرادی قوت کے پیشہ ورانہ حفاظتی مرکز کو بھیجے گئے قابلیت اور تعلیمی سرٹیفکیٹس کی منظوری دے کر سرٹیفکیٹس میں مذکور عنوانات کی تصدیق اور نجی شعبے میں کارکنوں کو جاری کردہ عنوانات سے منسلک کرنے کی اجازت دے گا۔
ذرائع نے بتایا کہ مالیاتی اور بینکنگ کے شعبے میں خصوصی ٹائٹل مثلاً فنانس اور ایڈمن ڈیپارٹمنٹ سے متعلقہ ملازمتوں کا تعلق براہ راست سرٹیفکیٹ سے ہوگا اور کسی بھی رہائشی کو اسی پیشے میں سرٹیفکیٹ حاصل کیے بغیر پیشہ ورانہ ملازمت کا ٹائٹل حاصل کرنے کی اجازت نہیں ہوگی یعنی اگر کوئی غیرملکی فنانس ڈیپارٹمنٹ میں اکاؤنٹنٹ کی ملازمت کررہا ہے اور اس کا اقامہ بھی اکاؤنٹنٹ کا ہے تو اس کے پاس اکاؤنٹس کی ڈگری ہونا لازم ہے جو کہ کویت میں "اکاؤنٹس ایسوسی ایشن” سے منظور شدہ ہونی چاہیے۔
ذرائع نے مزید کہا کہ "ساحل ایپلی کیشن کے ذریعے کمپنیوں کے لیے یہ ممکن ہو گا کہ وہ اہلیت کے حامل افراد کے نام کا انتخاب اپنی ضروریات کے مطابق کر سکیں، اور ان کے لیے کام کرنے والے ملازمین کی تعلیمی ڈگریوں کے مطابق اسے تبدیل کر سکیں۔
اس کے علاوہ، اتھارٹی کی طرف سے جاری کردہ ایک رپورٹ میں انکشاف کیا گیا کہ گزشتہ ایک سال کے دوران نجی شعبے کے رہائشیوں کے 17,000 ورک پرمٹس کو منسوخ کر دیا گیا تھا۔
مرکزی محکمہ شماریات کی جانب سے وزارت داخلہ کے تعاون سے قبل ازیں جاری کردہ امیگریشن رپورٹ میں انکشاف کیا گیا ہے کہ گزشتہ سال کے دوران ہر قسم کے تارکین وطن کو دیے گئے رہائشی اجازت ناموں کی کل تعداد 2,838,613 تھیں جو کہ 2021 کے مقابلے میں 318 ہزار رہائش گاہوں کا اضافہ ہے۔