کویت اردو نیوز 30 اپریل: کویت میں ٹریفک سیکٹر نے 3 سال کی مدت کے لیے ڈرائیونگ لائسنس جاری کرنے کے معاملے کو بند کر کے ایک سال کی مدت کے لیے نئے لائسنس کے اجراء کو شروع کردیا ہے جس کی سالانہ آن لائن تجدید کی جاتی ہے۔
ذرائع نے بتایا کہ 3 سال کی مدت کے لیے لائسنس کی معطلی اس وقت کی گئی جب یہ پتہ چلا کہ کچھ تارکین وطن نے 3 سال کے لیے لائسنس کی تجدید کی اور پھر اپنے پیشے کو تبدیل کر دیا۔
اگر تارکین وطن اسی پیشے میں اپنا کا جاری رکھتا ہے تو لائسنس کی تجدید بغیر کسی رکاوٹ کے ہو جاتی ہے لیکن اگر وہ اپنا پیشہ تبدیلی کرتا ہے تو لائسنس حاصل کرنے کی شرائط کے مطابق طریقہ کار اپنایا جاتا ہے تاہم پیشے میں تبدیلی کے معاملے کو پکڑنے کے لئے جب تک وزارتِ داخلہ اور "اُمور” کے درمیان ربط قائم نہیں ہوتا تب تک ایسا معاملہ سامنے نہیں آتا۔ حالیہ دنوں میں کچھ معاملات میں تبدیلیاں بھی دریافت ہوئی ہیں۔
دوسری جانب ٹریفک سیکٹر کی جانب سے رواں ماہ کی 22 سے 28 تاریخ کے دوران جاری کردہ اعدادوشمار میں بتایا گیا ہے کہ ٹریفک اور ریسکیو اہلکاروں نے 263 بڑے حادثات اور 961 چھوٹے حادثات سے نمٹا اور جبکہ سیکیورٹی کی تعیناتی اور ٹریفک مہم کے نتیجے میں متعدد معاملات کی نگرانی کی۔
اسی عرصے میں 34,848 خلاف ورزیاں، 37 گاڑیاں ریفر کی گئیں، 596 امپاؤنڈمنٹ گیراج کو اور 67 خلاف ورزی کرنے والے ٹریفک پولیس کو جبکہ
بغیر ڈرائیونگ لائسنس کے 76 نابالغ پکڑے گئے، 37 مطلوب افراد کو پکڑا گیا، 7 مقدمات قبضے سے متعلق تھے جبکہ منشیات اور الکحل کے معاملات کو جنرل ایڈمنسٹریشن فار ڈرگ کنٹرول کو بھیجا گیا۔