کویت اردو نیوز، 29مئی: سعودی عرب نے شام میں باضابطہ طور پر اپنا سفارتخانہ دوبارہ کھول دیا ہے۔
سعودی ذرائع نے شام میں سفارتخانہ کا باقاعدہ آغاز کرنے کے مقصد سے سعودی اعلیٰ حکام پر مشتمل وفد کے دورۂ دمشق کی اطلاع دی ہے۔
سعودی وفد کے دورۂ شام کو، سفارتی مشن کی سرگرمیوں کی شروعات کیلئے سعودی عرب کے اقدامات قرار دیا ہے۔
سعودی وفد نے دمشق میں غازی بن رافع العنزی کی سربراہی میں شامی وزارت خارجہ کے معاون ایمن سوسن سے ملاقات کی ہے۔
ایمن سوسن نے سعودی وفد کا خیرمقدم کرتے ہوئے انکو سہولت فراہم کرنے کیلئے شام کی آمادگی کے بارے میں گفتگو کی۔
