قطر انرجی نے جون کیلئے ایندھن کی قیمتوں کا اعلان کر دیا۔

کویت اردو نیوز، یکم جون: قطر انرجی نے ماہ جون 2023 کے کے لیے ایندھن کی قیمتوں کا اعلان کردیا۔

تازہ ترین اپ ڈیٹ کے مطابق:
پریمیم پیٹرول کی قیمت 1.95 قطری ریال فی لیٹر ہوگی، جو مئی کے بعد اس ماہ بھی برقرار رکھی گئی ہیں۔

جون میں سپر گریڈ پیٹرول اور ڈیزل کی قیمتوں میں بھی کوئی تبدیلی نہیں کی گئی ہے۔

سپر گریڈ پیٹرول کی قیمت 2.10 ریال پر برقرار ہے، جب کہ آنے والے مہینے میں ڈیزل کی قیمت اب بھی 2.05 ریال فی لیٹر ہے۔

پچھلے چند مہینوں کے دوران، ڈیزل اور سپر گریڈ پیٹرول کی قیمتیں مستحکم رہی ہیں، جبکہ پریمیم پیٹرول کی قیمتوں میں 2.05 اور 1.90 ریال فی لیٹر تک اتار چڑھاؤ آیا ہے۔

وزارت توانائی اور صنعت نے بین الاقوامی مارکیٹ میں فیول کی قیمتوں کا تخمینہ لگانا شروع کیا اور ستمبر 2017 سے یہ قطر انرجی ہے جو ماہانہ قیمتوں کی فہرست کا اعلان کرتی ہے۔