کویت اردو نیوز،13جون: سعودی عرب میں حج کے موقع پر زائر خواتین کیلئے خطبہ جمعہ کو اپنی زبان میں سننے کے لیے ترجمے کی سہولت فراہم کرنے جارہی ہے۔
سعودی عرب میں مسجد الحرام اور مسجد نبوی ﷺ میں شعبہ خواتین کے ادارہ ترجمہ، نے’آپ کی زبان میں’ مہم کو مزید بہتر بنایا ہے، جسکا مقصد مختلف ممالک سے آنے والی زائرخواتین کو ان کی زبان میں خطبہ جمعہ کی ترجمے کی سہولت فراہم کرنا ہے۔
خطبہ جمعہ کا ترجمہ سننے کے لیے مسجد الحرام میں خواتین کیلئے بنے مخصوص حصہ میں انکو بار کوڈ فراہم کیا جاتا ہے جسے اسکین کرنے کے بعد وہ زبان کا انتخاب کر کے خطبہ اپنی زبان میں سن سکتی ہیں۔
مسجد الحرام آنے والی زائر خواتین جو خطبہ جمعہ کا ترجمہ اپنی زبان میں سننا چاہتی ہیں انہیں مخصوص ہیڈ فونز بھی فراہم کیے جائینگے۔
ادارہ حرمین کے شعبہ خواتین نے کیمپین رول ماڈل بھی شروع کیا ہے جس میں اردو، انگلش، ترکی اور فرانسیسی زبانوں میں زائر خواتین کے استفسارات کا جواب ہاٹ لائن پر فوری طور پر دیا جاتا ہے۔
اسکے علاوہ ادارہ حرمین کی منتظم کمیٹی نے مسجد الحرام میں متعدد غیرملکی زبانوں کی ماہر خواتین کو بھی تعینات کیا ہے جو زائر خواتین کی بہتر طور پر رہنمائی کرتی ہیں
