طلابات ڈلیوری بوائے کی ویڈیو نے انٹرنیٹ پر طوفان برپا کردیا

کویت اردو نیوز،31جولائی: خلیجی ممالک میں کام کرنے والی معروف ڈیلیوری کمپنی طلابات ڈلیوری سوار کی ویڈیو نے انٹرنیٹ پر طوفان برپا کر دیا ہے، جس کو رہائشیوں اور ٹویٹرٹیز نے بار بار شیئر کیا ہے۔

ویڈیو میں ایک ڈیلیوری رائڈر اپنی موٹر سائیکل کے ساتھ سڑک کے کنارے کھڑا نظر آتا ہے۔ اس کے بعد وہ آدمی اپنی ڈیلیوری کیریج کھولنے کے لیے آگے بڑھتا ہے اور کھانے میں سے ایک بائٹ لیتا ہے جو بظاہر گاہک کا آرڈر ہوتا ہے۔

یہ کلپ ٹویٹر پر وائرل ہو گیا ہے، جس میں متحدہ عرب امارات کے متعدد رہائشیوں نے ویڈیو کو ری شیئر کیا اور حکام کو ٹیگ کرتے ہوئے ان سے کارروائی کرنے پر زور دیا۔

طلابات سے رابطہ کرنے پر پتہ چلا کہ یہ ویڈیو متحدہ عرب امارات میں نہیں لی گئی ہے جبکہ کویت میں یہی کلپ وائرل ہوا جس پر کویت کی وزارت داخلہ نے واضح کیا کہ ڈیلیوری بائیک سوار کی چیکنگ اور کھانے کے ساتھ چھیڑ چھاڑ کی وائرل ویڈیو ریاست کویت میں نہیں ہوئی۔ وزارت کے شعبہ تعلقات عامہ اور سیکورٹی میڈیا نے ہر ایک سے غلط معلومات پھیلانے سے محتاط رہنے کی تاکید کی۔

کمپنی نے واضح کیا ہے کہ انٹرنیٹ پر وائرل ہونے والے اس کلپ کا تعلق بحرین سے ہے اور وہ اس واقعے کی تحقیقات کر رہی ہے۔

ایک بیان میں طلابات بحرین کے ترجمان نے کہا کہ "ہمیں حال ہی میں سوشل میڈیا پر وائرل ایک ویڈیو کے ذریعے اس بات کا پتہ چلا، اس وڈیو میں ایک رائڈر کو خراب طریقے سے آرڈر ہینڈل کرتے ہوئے دکھایا گیا ہے، جو کہ ہماری صحت اور حفاظت کی پالیسیوں کے خلاف ہے۔”

"اگرچہ اس کی تصدیق منسوخ شدہ آرڈر کے طور پر کی گئی ہے، لیکن رائڈر کو مزید تفتیش تک فوری طور پر معطل کر دیا گیا ہے۔”

کچھ لوگوں نے ڈلیوری رائڈرز کی حمایت کا اظہار کرتے ہوئے کہا ہے کہ اگر وہ ڈلیوری سے کھا رہا ہوتا تو وہ کھلے میں ایسا نہیں کر رہا ہوتا۔

کچھ صارفین نے شفافیت اور فوڈ سیفٹی کو فروغ دینے کے لیے ڈیلیوری کے عمل کو بہتر بنانے کے لیے اپنے خیالات اور تجاویز بھی شیئر کیں۔

ایک صارف نے تجویز پیش کی کہ صارفین کو رائڈرز پر انحصار کرنے کے بجائے خود کھانے کی ڈیلیوری باکسز کھولنے کی اجازت دی جائے، کیونکہ اس سے صارفین کو اس بات پر اعتماد کا احساس ملے گا کہ ان کی خریداری کو کیسے ہینڈل کیا جاتا ہے۔

کمپنی نے مزید کہا ہے کہ وہ "اس طرح کے رویے کو بہت سنجیدگی سے لیتی ہے” اور اس نے "تمام لاجسٹک پارٹنرز اور رائیڈرز کو ایک یاد دہانی بھیجا ہے” کہ وہ صحت اور حفاظت کے رہنما خطوط کی پابندی کریں۔