کویت اردو نیوز،3اگست سعودی کیمل فیڈریشن کے زیر اہتمام کراؤن پرنس کیمل فیسٹیول گزشتہ روز منگل کو سعودی ولی عہد شہزادہ محمد بن سلمان کی زیرسرپرستی طائف کیمل ریس کورس میں شروع ہوگیا۔
فیسٹیول کی آرگنائزنگ کمیٹی نے تمام انتظامات قبل از وقت مکمل کرلیے تھے جس کے بعد طائف گورنریٹ میں یہ میلہ شروع ہوگیا۔
کیمل فیسٹیول 12 دن تک جاری رہے گا، یہ میلہ دن کے دو اوقات میں لگے گا، پہلا مرحلہ صبح 6:30 بجے اور دوسرا سہ پہر 3:00 بجے شروع ہوگا۔
سعودی اونٹ فیڈریشن نے ولی عہد کے تلوار ایوارڈ کی مالیت کو دس لاکھ ریال سے بڑھا کر ایک کروڑ سات لاکھ پچاس ہزار ریال کرنے کے بعد مالی انعامات کی مالیت میں اضافے کا اعلان کیا ہے۔
اس سال مالی انعامات کی مالیت 57 ملین ریال سے زائد ہے اور اس کے لیے مقامی اور بین الاقوامی اونٹ مالکان کے بڑے گروپس میں مقابلہ طے ہے۔
مقابلے میں شامل اونٹ میلے کےدوران 589 مختلف راؤنڈز میں شرکت کریں گے۔
کراؤن پرنس کیمل فیسٹیول کا آغاز 2018ء میں ہوا تھا جس کے بعد ہر سیزن میں دنیا بھر میں اونٹوں سے محبت کرنے والے لوگوں نے اس میلہ کو غیر معمولی توجہ دی۔
اس میلے کا مقصد سعودی ثقافت میں اونٹوں کے ورثے کو مضبوط اور مستحکم کرنا ہے
